Nihnih Chung CDF-Hakha He Kahdohnak Ah Rallokap Lei 7 An Thi, 19 Hliam An Tong

Nihnih chung CDF-Hakha he i kahdohnak ah rallokap lei 7 an thi i a tlawmbik 19 hliam an tong tiah CDF-Hakha nih a thanh.

May 18, 2021 zanlei 4-5 karlak ah Hakha-Thantlang lampi Security Gate (Hakha University pawng) kahdohnak ah rallokap lei 2 hliam an tong. Hakha Thar, lamruk tonnak kahdohnak ah rallokap 4 an thi i a tlawmbik 9 hliam an tong. Hakha-Gangaw lam kahdohnak ah rallokap lei 3 hliam an tong.

Cun May 19, 2021 zinglei 5-6 karlak ah rallokap 70 hrawng cu Hakha-Matupi lam i an um lioah CDF nih an kah hna i rallokap 3 an thi i a tlawmbik 5 hliam an tong. Cun rallokap nih CDF-Hakha saikel 30 renglo mei in an khangh tiah theih a si.

Kalay lei in rallokap tam nawn an rak kai chap caah kahdohnak a fak chin kho tiah CDF-Hakha nih thanhnak a tuah.

The Chin Post