Nihin thiamthiam ah Sagaing ramthen, Pale peng ah SAC ralhrang le PDF karlak kahnak a chuak i PDF nih Bomb in an puah hnawh hna caah SAC ralhrang a tlawmbik ah (16) an thi tiah PDF Newsflash nih cun a langhter fawn. Nihin zing kahnak ah hin Pale People Defense Force-Headquarters a um mi pawl cu,.
Biatak tein an cawlcaang i SAC ralhrang tam ngai na thih hi a si tiah an chim. Cun Yangon ramthen zong ah kahnak dang a um than. PDF pawl nih Yangon ramthen, Khayan pengkulh chung ah SAC ralhrang cu Bomb an puah hnawh hna i cu ahcun Ralhrang pathum an thih pin ah a dang 8 nih hliam an tuar ti asi.
Cun Sagaing ramthen thiamthiam ah Police Sakhan in a chuak mi SAC ralhrang motor (26) zong PDF nih Bomb an puah hnawh hna chap i ralhrang a tlawmbik ah (5) an thi chap tiah an langhter fawn.
India ram Manipur le Mizoram ramkulh ah a lut mi le a dor mi Myanmar ralzam hna nih rampi nih pek mi minung hawi zawnruah bawmhnak hna hi an tinco ve awk a si tiah India ram i National Humin Right Commission (NHRC) chungtel a si mi Justice Mahesh Mittal Kumar nih a chim. Mittal Kumar cu ramkulh,.
Cozah upa hna he nihnih chung biaruah ceihkhannak an ngeih hnuah Dec 15, Shillong ah tuahmi Press Release ah Myanmar ralzam hna harnak kong he pehtlai in biahalmi a lehnak ah a cunglei bantuk khin a chim hi a si tiah Mizoram News nih a ṭial. Thawnglatu pakhat nih Myanmar ralzam hna he kongah NHRC hmuhning a hal mi zong “Pohmah 21 hi rammi si hna seh, ramdang mi si hna seh,
Nuhrin covo buar le chuh piak a tongmi vialte hna chanchuahnak a si” tiah Mittal Kumar nih a leh. Cu lawng si loin Mittal Kumar nih cun “Ralzam hna kongah India cozah dirhmun cu a fiang tuk ko. Asinain khatlei ah ramkip hnatlaknak a um. I dornak hal timi hi a ruang tampi a um ko lai nain minung hawi zawnruahnak caah NHRC nih lam kan hmuhsak hna lai. Aho paoh nih bawmh an kan hal ahcun cozah sinah kan chimrel piak hna lai” tiah a chim fawn.
Manipur le Mizoram chung i aa dormi Myanmar ralzam hna cu biaknak le zatlang bu nih an si khawh tawk an bawmh ko hna nain ei le din, hnipuan le ṭhutdirnak ah harnak tampi an ngeih rih nak kong cu Mittal Kumar nih a chimchih. India Central cozah nih Myanmar ralzam hna bawmh ding kong cu a cohlang lo nain kan ram chungah a ummi ralzam hna cu a si khawh chungin kan bawmh, kan zohkhenh hna lai tiah kan hnulei i,.
Chin ramkulh Chief Minister hlun Salai Lian Luai le hlutdaw palai hna he tonnak ah Mizoram ramkulh Chief Minister Pu Zoramthanga nih a chim. Myanmar ah ralhrang bu nih nawlngeihnak an lak hnuin India ah a zam mi an karh chin lengmang i Chin ramkulh in a zam mi lawng hmanh sing khat renglo an si cang tiah UNOCHA nih cathanh an chuah. Ref: Mizoram News Theihternak : The Chin Post
Leave a Reply