CDF-Kanpetlet nih nihin Yangon khua ah motor pah le meithal kahnak in a thi mi hna, tlaihkhih le hrem a tong mi hna phu an hlam,. December 5, 2021 Nihin, December 5 ah Council ralhraang nih Yangon ah lam a zawh mi hna thi lak in motor in an pah hna, Meithal in an kah hna i, hma a pu mi pawl zong thlopnak nawl pe lo in,.
Biahalnak hremhmun ah an kalpi hna ca ah CDF-Kanpetlet nih Kanpetlet khua ah a um mi ralhraang pawl an kah ve hna. Zaanlei suimilaam 3:00 hrawng in suimilaam pakhat chung an i kap i Council ralhraang pakhat a thi. CDF lei in hma a pu mi um lo tein kan kir kho tiah an thanh.
Yangon ramthen Htantapin peng USDP party Secretary thah a tong, Yangon ramthen, Htantapin peng USDP party Secretary U Hla Aung cu December 4 zaanlei ah meithal kahnak in a thi tiah tualchung mi sin in kan theih. Mizei phu ti hngalh lo mi nih Htantapin peng Yaeso khua le Khanaungmaw khua kar lam cungah meithal in an kah hi a si.
“Meithal in voi li an kah i a hmun ah a thi colh” tiah tualchung mi pakhat nih a chim. U Hla Aung hi Htantpin peng Mangesuh khua ah a um mi a si i ralhraang nih uknak an lak hnu ah khuabawi thing hna inn kha ralhraang he i bawm in a chekhlat hna. Khua chung zong ah mi thihphaihnak zong a tuah lengmang tiah tualchung thawnghram in kan theih. Kahthahnak a chuah hnu ah Mangesuh khua pawngkam hrawng ah ralhraang nih chekhlatnak an tuah. Ref: Mizzima
Leave a Reply