Nihin Yangon, Kalaymyo Kahdohnak A Fak Ngai Ralhrang 11 An Thi Hliamtuar An Tam Pi

PDF – Kalay Cathanh Nizan November 14 Sml 5:00 hrawng ah Kalaymyo Tahan veng ah Bochok lampi, Wesley sizung lamki ah security hngakmi ralhrangbu cheukhat hna cu PDF kalay phu minung pakhat nih kut in cheh mi bomb in a cheh hna i ralhrang pakhat nunnak liam. PDF kalay in a hliam mi um lo in hnu kan tolh kho. PDF Kalay

Yangon Tanlin hleidonh ralhrang phu hna, sakhan an hngahtawn nak hmun cu nihin November 15, zinglei suimilam 11:00 hrawngah mizapi vengtu ralkap phu nih an doh hna caah ralhrang phu lei minung 10 hrawng cu kuan nih a hliamh hna, cu chung ah cun minung 3 cu cuka hmunhma ah an thi colh tiah Yangon ramthen hmunhma zohfeltu phu nih cathanh an chuah. Cun Tai-yin-ta khua pawng traffic light ah phaisa kholh in,.

Mipi hnahnawhnak pe tu motor pi-ke hna cu kahdoh an ton caah motor pi-ke minung 3 kuan nih a hliamhhna, minung 2 cu an thi lai tiah zumh a si. Kahdohnak a um lengmang caah ralhrang phu hna nih an duhnak hmunpoh kah in le an ruahdamh in an kah hna, mi an tlaih hna cun an hrem hna caah mipi hna nih ralringten um kal ding in Yangon ramthen hmunhma zohfeltu phu nih ralrin peknak cathanh an chuah. Khit Thit Media

Kyaukthu peng, Kaan Nikhua pawngah November 14 ni ah ralhrang le KNLA Brigade (1) kar kahdohnak aum i ralhrang lei in ahliam mi le athi mi hna an um tiah KNLA Brigade (1) sin in theih asi. Hmunhma lonh in a ummi ralhrang phu hna le KNLA Brigade (1), Battalion (3) hna khat le khat kahdonhnak aum. Kahdohnak adih in ralhrang lei ah 6 an thi i minung 4 hliam an tuar tiah achim. Nizan ah kahdohnak aum.

Ralhrang lei in ri an lonh caah kahdohnak aum hi asi. Khoi kaa lei ralhrang an si kan thei lo. BGF phu hna an i tel lo. Ralhrang lei in hriamngan hna in an kan kah . Kahdohnak ruang ah khuami azaam mi hna.zong an um ” tiah KNLA Brigade (1) in tuanvo ngei tu nih Than Lwin Time ah achim. Kahdohnak ah kaphnih kahdohnak a si caah a pawngkam khua hna cu khuami 100 leng an zaam tiah kan theih. Than Lwin Times

Magwe ramthen, Yesagyo peng, Pakhannge palek sakhan cu November 13 zanlei sml 1:00 hrawng ah Gin Achange PDF afonh mi phu nih an kah hna i mah palek sakhan cu mei in an kangh. Minute 30 rau kaphnih in an i kap i ralhrang kuttang palek hna an zaam dih ,meithal 2 le Saikal 2 cu PDF nih an lak khawh . Sakhan cu mei in khangh dih tiah Yesagyo (mizapi vengtu ralkapbu hna nih thawng an thanh.

Mah kahdohnak ah cun People Defense Force Yesagyo, Phoenix , 27 Revolution Forces MGN, Thwaythauk Revolution Forces, Urban Underground Revolution Force – YSO, K. N. T Shwe Lal Kyun LPDF hna fonh in an kah hi asi. Khit Thit Media

Be the first to comment

Leave a Reply

Your email address will not be published.


*