Nizan, November 10, Matupi-Paletwa kar kahdohnak ah Council ralhraang paruk an thi, CDF-Matupi lei in pakhat hma a pu i a thi mi an um lo tiah CDF-Matupi nih an thanh. Demawso ah ralhraang le KNDF kar kahdohnak a chuak, ralhraang 20 an thi, Kayah ramkulh Demawso peng, Thuhluibila le Padungngan khua pawng ah November 11 zaanlei sang ah ralhraang le KNDF kar kahdohnak a chuak tiah KNDF nih thawng an thanh.
Ralhraang le KA, KNDF hna kar ah zaanlei suimilaam 2:00 hrawng in 6:00 tiang kahdohnak a chuak tiah KNDF thawngthanknak in kan theih. Kap hnih kahdohnak ah ralhraang 20 an thi i KNDF lei in pakhat a thi tiah KNDF nih an ti. Atu zong ah ralhraang pawl cu Demawso peng chung hmunhma thatnak tlangbo hna ah thazaang an chap tiah KNDF sin in kan theih. Ref: The Irrawaddy- Burmese
Mandalay pengkomh, Maharawngmay peng Maharnwaysin sang uktu zung cu November 10,zaan suimilam 6:00 luan ah puahkehnak a chuah caah ralhrang phu lei in minung pakhat a thi tiah theih a si. Maharawngmay peng lam36, lam 70/71 lam kar Maharnwaysin sang uktu zung cu cycle citmi minung 2, a ho si ti theihlo mi nih bomb in an cheh hnu ah, puahkehnak a chuak ralhrang phu lei in minung 1 cu fakngai in hliamhma a tuar tiah khuachung mi hna nih an chim. ”
Nizaan zaanlei hnu ah sang uktu zung chung bomb an cheh thawng cu kan theih hnu ah meithal puahthawng zong pehtlai in theih a si, zung kut-ka hngak tu cu fakngai in an hliamh tiah kan theih na in, nihin zinglei ah cun a thi cang tiah theih a si” tiah mit hmutu pakhat nih a chim. Cu sang uktu zung puahkehnak kong he pehtlai in Justice Mandalay People Defence Force (JMPDF) nih tuahmi a si tiah cathanh an chuah. The IrrawaddyEnterWrite to Dawt Hlei TumAa
Leave a Reply