Nihin Falam ah COVID-19 in Minung 2 an Nunnak a Liam

Nihin (July 9) ah Falam khua ah COVID-19 in Rev. Philip Tlei Thuan (kum 63) le Pu No Lian Sang (kum 73) an nunnak a liam.

July thla chung nihin tiang ah Falam peng ah COVID-19 in minung 7 an nunnak a liam i, kan hnu June thla chung ah minung 17 an nunnak a rak liam. Cred : The Chin Journal

Relchap : Pathein Khua I Ramkhel Lei Ah Cawlcang Ngai Mi Ko Wine Tun Naing Cu Shwepyita Ah An Tlaih

Ayeyarwaddy ramthen,Pathein khua i ramkhel lei ah a cawlcang ngai mi Ko Wine Tun Naing cu June 28 ah Yangon ramthen,Shwepyita peng ah tlaih a si ti’n thawngtheih a si.

Ko Wine Tun Naing cu Pathein ah ralhrang duhlonak langhternak lamzawhnak ah a thihruai tu hna a si tlaih dingin thanhmi a si caah a dup nak ah tlaih a si tiah a hawikom pakhat sinin theih a si.

“Anih hi tlaih dingin thanhmi a si i Yangon ah a hawi inn ah a dup a hawipa zong ramkhel lei ah a cawlcang mi a si caah a hawipa an tlaih ah a nih zong tlaih a si tiah” Ko Wine Tun Naing i hawi pakhat nih a chim.

Tlaih a si hnu ah Insin thong ah thlak a si hnu zarhkhat ah zohfel in July 6 ah Pathein palek Sakhan ah an kuat tiah theih a si.

Ralhrang nih nawlngaihnak a lak hnu ah Pathein ah ralhrang duhlo cawlcanghnak ah tlaihmi 100 leng an si tiah khuami cheukhat nih a chim ti’n Ayeyarwaddy_Times nih a langhter.

The Chin Post