Nihin Thantlang kahdohnak ah CDF lei 3 nunnak liam, 4 an i hliam i Ralhrang nih inn 530 an khangh cang, Nihin December 8 zaanlei Thantlang khuachung kahdohnak ah CDF lei in minung 3 nunnak a liam i 4 hliamhma an pu, Ralhrang nih December 5 tiang ah khan inn 530 an khangh cang.
“Nihin kahdohnak ah minung 3 nih nunnak an pek i 4 an i hliam. Nunnak petu hna hi Ram Lian.Peng (Hriangkhan), Bawi Za Uk (Thantlang sianginn sang) le Van Tha Ceu (Thau) an si i Van Tha Ceu konglam belte hi a fiang tuk rih lo. Cun, Ralhrang lei in zeizat dah an thi i zeizat dah an i hliam ti zong kan hngal kho rih lo,” tiah CDF chungtel pakhat nih The Hakha Times ah a chim.
Atu thawng kan tial 9:30 PM (2021 December tiang ah nunnak a petu hna an ruak hi laak khawh an si rih lo, tiah kan theih. Thantlang khua cu December 5 lio ah Ralhrang nih avoi 11nak inn 38 an khangh than, nihin tiang ah inn 530 an khangh cang. Tutan avoi 11nak an khangh mi ah BEHS sianginn-then tel in inn 38 an khangh hi a si.
Avoi 1nak September 9 ah inn=1 Avoi 2nak September 18 ah inn =19 Avoi 3nak October 29 ah inn =164 Avoi 4nak November 6 ah inn = 8 Avoi 5nak November 9 ah inn = 2 Avoi 6nak November 10 ah inn =7 Avoi 7nak November 11 ah inn = 3 Avoi 8nak November 24 ah inn=49 Avoi 9nak November 27 ah inn=96 Avoi 10nak,.
December 4 ah inn=20 Avoi 11nak December 5 ah inn=38 tiin adihlak inn 530 an khangh cang, tiah The Hakha Times nih cazin (record) kan tuah. .Biakilh: Nunnak petu hna le aa hliam mi mincazin kong ah palhsual a um ahcun kan rak remh (update) than te lai…careltu nih kan ruatthiam te ulaw…
Leave a Reply