Nihin CDF Le Ralhrang Kahdohnak Update

Mindat-CDF le Ralhrang kar kahdoh nak thawng, Nihin November 9 Mindat-CDF le Ralhrang i kahdoh nak a ni sarih nak an peh tthan. Mindat-CDF lei hliamhma pu mi an um lo. Ralhrang lei khawnden nak a tam tiin theih asi. Nihin i kahdoh nak hmun in mengtung pakhat hualham hrawng motor lam Cung ah siichunh nak, hma men nak le thi an hmuh hna. Tu zaan cu Meng 14 hrawng ah riah dawh an si. Khuachung zawng ah luh khawh an si. Kan zoh fel chuahmah lio asi tiah kan theih. Crd

akha khuathar ah Bomh le Meithal aw tamngai kan theih, November 9, Zinglei 6:00AM ah Bomb aw voikhat le meithal aw tam ngai kan theih tiin khuathar mi pakhat nih The Chin Post ah a chim. An i kap mi asi le si lo a fiang in theih asi rih lo. Zahan zaan 10:45PM zawng ah Bomb aw voihnih le Meithal aw tamngai theih asi. Hakha Khuachung ah Ralkap an i chawk, Helicopter zawng a zuang November 9, zingka 10:00 AM in tutiang Hakha khuachung lam ah an i chawk.

A voikhat nak Vontumong cerhtual ah an um, 12:00 hrawng ah Lansung ah an um tthan, 2:00 hrawng ah Cherry sang lampial, Sanpiah Sawng hmai ah an um i tutiang an um rih. 5:05PM hrawng ah Ke in Siizung lampial tiang an rak ttum. Mi an check hna ti lawng kan theih rih. Mi an tleih mi an um le um lo theih asi rih lo. Helicopter zawng voi tam ngai a zuang cang. 5:15PM ah a hnu bik a zuan i Falam lei ah zuan ding a lo tiin Khuami pakhat nih The Chin Post ah a chim.

Mipi Hna Nih Theih A Herhmi Le Ralrin Ding Ralhrang he dohnak ah kan mipi ralkap hliamhma tuar mi na pawngah an um sual a si ah cun …Biachim lo in umkhawh i zuam law, na mit nih khua tampi zoh seh cun na hna tun khawh i zuam peng … Na pawngkam thengah hliamtuar an um lo zong ah na hna nih mipi ralkap hliamtuar an um, cu ka sang mi an ti zong ah nangmah sin leng in na theihmi bia kha chuahter ti hlah … Kan mipi ralkap hliamtuar mi, cu ka hmunah an cawnghhramh ti thawng na theih ah cun,

Na sikhawh chung mizei sin hmanhah chim lo ding, cun nangmah tu nih venkhawh hna i zuam… Kan sikhawhnak cio in kan mipi ralkap thil tonmi kong ah, kan theihmi bia mi zei sin hmanhah chimlo in venkhawh i zuam ve hna uh sih… # Ralhrang nih mipi ralkap an hliamh tik hna ah, an hnu zulh in checkhlatnak an tuah zungzal, nihin zong Hakha khuachung sang thenkhat ah hliamhma tuar mi ralhrang phu nih an kawl hna … By. Mai Anna Par (Journalist of The Chin Post)