Nihin Ah Ralhrang 45 An Thah Than Hna

Pale-Gangaw lam ah ke in a kal mi Ralhrang nih mine 35 an hmanh i Ralhrang 34 an thi. Nihin November 8, Zinglei 10:30 ah Sitkaing Ram, Pale peng, Pale-Gangaw lam, Won-Be-Kyint, khua nichuah lei ah Ralhrang minung 80 nak tlawm lo ke in an rat lio ah PRA,

Pale-PDF headquarters le Joker phu hna i bawmh in mine 35 an hmenh hna i Ralhrang 34 an thi, 30 hlei hliamhma an pu tiin PRA thawngzamh tu nih a chim. PRA, Pale-PDF le Joker lei Dothlennak a tuah tu mipi ralkap hna hliamhma an pu lo tiin theih asi. Crd-KTM Photo crd

Nihin Mindat i kah nak ah Ralhrang 10 hrawng an thi, Tuthla chung Kahdoh nak ah Ralhrang 86 tluk an thi cang November 8, Zaan lei 1:00 PM hrawng ah Meng 19 ah Ralhrang le Mindat-CDF i kah nak ah Ralhrang 10 tluk an thi. An tank motor zawng a dir kan hmuh, a ke a kuai i asi men lai. Mipi lei hliam a pu mi an um lo tiin kan theih.

November 1 in November 8 tiang Mindat-CDF le Ralhrang i kah nak ah Ralhrang lei in 86 hrawng an thi cang. Mindat-CDF lei in Pakhat a nunnak ram caah a pek. Mindat Khuapi ah Nihin ni tiang i kah nak pehzulh in a tho. Ralhrang zawng nih mipi inn an hrawh, thil an lak piak hna, an sattil an thah piak hna. Mindat peng khuami hna le Mindat-CDF nih ngeih mi hriamnam poh in pehzulh in an doh hna tiin theih asi.

Mizapi hna nawlngeihnak cu mipi sin a phak khawh than nak ding le, ralhrang uk nak in luatkhawh nak ding ah federal democracy a dirkhawh nakding cu mipi hna he hmunkhat ah kan i zuamti lai tiah NLD party nih nihin ah cathanh an chuah. 2020 kum, General election tuahmi kumkhat tlin nak ah NLD party nih a tubantuk in cathanh a chuah hi a si,

ralhrang nih hramhram nawlngeih nak an lak nak cu, lam phunkip in dohnak a telmi mizapi dihlak cu upat nan si tiah an cathanh chungah an langhter. 2020 thimnak ah NLD party lungtlin in mee a petu dihlak hi zatuak 82% leng nih NLD party cu vote an pek i teinak a hmuh na in, ralhrang phu hna nih mee cazin cu a diklo an ti caah hramhram in nawlngeihnak an lak i, rampi ruahnak pe tu Daw Aung San Su kyi le President U Win Myint tel in NLD party chungtel hna cu an tlaih hna hi a si. The Irrawaddy