Chin ramkulh, Tedim khua ah nizaan April 27 zan sml 7:30 hrawng ah Myoma sang le Luaibual sang ah meithal thawng kan theih, tiah tualchung mi nih an chim. Meithal kuan nih Skat, mawṭaw khaltu Ko Khai Lian(kum 17) cu a khen caah a nunnak liam, A ruak cu chungkhar an la kho rih lo, tiah theih a si. Tualchung mi pakhat nih,” Skat mawṭaw khaltu a si, khua lei ah thil a va ngalh i a rak tlun lei, lam ah a mawṭaw a rawk.
Zaan sml 8:00 hrawng ah Cycle in khua chung ah a rak lut i SAC ralkap nih chek lai a ṭih caah dir loin a kal , A hnu leiin an kah caah a thih hi a si. A ruak zong khoika an chiah kan hngal lo,” tiah a chim. Zaan sml 10:00 hrawngah 269 sakhan in sml cheu chung hrawng meithal thawng kan theih, tiah tualchung mi nih an chim.
Tawngdang; 2022, April thla ni 25 chungah ralzaam 58,300 nak tlawmlo an karh tiah ISP-Myanmar nih a thanh. April thlachung Sagaing ramtthen in KhinOo, Minkin le Ayardaw pengchung in khua hna cu mei khanghpiak le hrawhpiak an ton hnu in cu ka hmun hrawng um khuami 13,300 leng cu a himnak hmunah an zaam hna tiah theih a si. Sagaing ramtthen Kalay le Wantu pengchung ah SAC ralkap le tualchung hriamtlai phu kar fakngai in kahdohnak a chuak i, SAC ralkap hna nih mipi umnak inn hna cu an khangh, an hrawhpiak hna caah khuami 25,000 nak tlawmlo cu ralzaam dirhmun an phan. Tualchung hriamtlai phu hna le SAC ralkap kar fakngai in kahdoh a chuahnak hmunhma Magway ramtthen le Chin ramkulh ah ralzaam dirhmun a phanmi an karh tiah theih a si April thlachung Magway ramtthen Yesakyao peng le Poah pengchung in mipi 11,000 leng cu a himnak hmunah an zaam hna i Chin ramkulh, Matupi-Paletwah lam lei kahdohnak a fah hnu ah tualchung mi 1,000 leng cu a humhimnak hmunhma ah an i dor hna tiah ISP-Myanmar nih an thanh. Sagaing ramtthen ah ralzaam dirhmun a phanmi tambik an um i, an dihlak ah minung 241,050 leng tiang an phan, Kaya ramkulh hi a pahnihnak ralzaam tambik phanmi an si i minung 204,115 leng an si. SAC ralkap nih hramhram nawlngeihnak an lak 2021 February 1 in 2022 April 25 tiang hmunkip ah kahdohnak a chuah caah, mah umnak hmunhma ah umngam lo in ralzaam dirhmun a phanmi dihlak hi 810,889 leng an phan. SAC ralkap nih uknak an lak hlan ah ralzaam 497,200 leng an um i, Myanmar ramchung ah mah umnak hmunhma kaltak in ralzaam dirhmun phanmi dihlak 1,308,089 leng an si. Bangladesh, India le Thailand ramri ralzaam camp ah ralzaam 1,002,000 leng an um tiah ISP-Myanmar nih a thanh.
Thawngdang; Magway ramtthen Pakokko le Myaing motor lampi ah a kalmi SAC ralkap cu April 27, zaan suimilam 7:10 ah tualchung hriamtlai pah-kah-phah phu nih pa-de-ta bomb lung 10 an puahhnawh hna i SAC ralkap 5 nak tlawmlo an thi i an motor pakhat a rawk tiah Pakokko pah-kah-phah phu PUGF nih an thanh. Hliamhma tuarmi SAC ralkap hna cu mizawphur motor nih voi tamngai a thiar hna, nihin April 28 zinglei suimilam 5:00 tiang ah cu mizawphur motor cu an um rih, hliamhma tuar mi hna chungin SAC ralbawi pakhat zong aa tel tiah PUBG nih cun an langhter.
Cu kahdohnak cu PUBG le Myine pah-kah-phah phufonh nih an tuahmi a si i, hliamhma tuarmi umlo in hnu an tolh kho tiah theih a si. Magway ramtthen Pungngia(ပုံညာ) ah umhmun khuar mi SAC ralkap hna chung in minung 8 cu nizaan April 27, zaanlei suimilam 5:00 tikholh an kal ah Yaw PDF battalion 13 nih an kahdoh hna caah SAC ralkap 6 an thi, 2 nih hliamhma an tuar tiah YDF nih an thanh.
Leave a Reply