Ngaiphaipi khuami cungah CDF-Mara pawl an palh dih cikcek cang ko hi ta!!

CDF-Mara pawl na ruah bal maw!!
=====================
Ngaphaipi kan Khua cu miphun, ram le khua kan kilven lai a timi hriamtlai CDF-Mara phu nih MDF cu 2022 Oct 9, Bawipa ni ngelcel ah khua chungah MDF le Ngaphapi Security Force pawl an va kah ruangah khuami thinphang thlalau in an chiah hna i biakinn ah an um dih hnu zongah CDF-Mara le Alliance pawl a si mi (CNA, CDF-Zophei, CDF-Zotung, CDF-Lautu) pawl 200 renglo cu khua chungah an lut rih hna ruangah khuami vava an tum i khuami dihlak 650 renglo cu Bawinu varal pet in India lei ah an zaam, an tio dih.

Chuahsemnak khua le laihritannak Ngaphaipi khua van chuahtak ko cu an lung a fak an ngaih a chia cio. Tar nu tarpa hna ruah ko ah khuami lung a fak, thin a hung khun. Hi maw Mara miphun kan daw tiah ram le miphun le khua kan kilven lai a timi hriamtlai phu hna tuahserhnak phichuak kan zunmi cu a si ko tiah khuami hacang rial in, Khuaza Mara pawl lungnuam loin kan um cio.

Aw, kan miphun hawi cheukhat khua bantukin Kawl ralhrang sachia, Sehtan fa bantuk a simi hna hna kut ruangah a ciam i chuahtak mi khua le si tung lo, mah miphun khat te, Miphun le ram kan kilven lai a timi hna kut ruangah chuahtakmi khua van si ko hi lung a fak, thin a khenh, ngaih a chia i ningzak zong a si.

Kannih Mara hi pengtlang dang nakin kan molh deuh le kan hrut deuh cu maw a si ko? Atu thilcang kanmah le kanmah hiti kan i kahdohmi le Ngaphaipi khuami vialte kan tioter dihmi hna nih hin zeikhi dah a langhter? Kan lungfim cang ko seh. Mi zeipaoh miphun le ram cu dawt cio a si ko. Kan chungkha thil cang le buainak hi kan miphun hawi sin ah va phanhter te hna zong hi duh tuk duh hna hlah u sih.

Kan miphun hawi pengtlang dang hna nih Mara cu ee, an lungput le Mara ah an extrame tuk tiah a phunphun in an kan nihsawh le zei an kan rel lo le an kan zohchuk zong hi i fahsak pah cang ko hna sih. Ka khua Ngaphaipi cu zaamtak a si cang. Ka thanlianhnak Thantlang khua zong zaamtak a si cang i king taktakin a king cang. Tiotakmi khua cu rau lo teah a rawk i kir hnawh than a har. Kir hnawh than duh zongah kir hnawh than awk a tha ti tawn lo. Credit:John ReingMon

Relchap, Mizoram Ah Nawlngei Bik Phu CYMA Le CYLA Hruaitu Hna Cu Chin Kum Thar (Tho) Zawh Dingah American Ram An Phan, India ram, Mizoram ramkulh ah rumra ngei bik le nawlngei bik phu a simi Central Young Mizo Association-CYMA, Central Young Lai Association- CYLA hruaitu hna cu Chin kum thar va zawh dingah American ram an phan cang, tiah theih a si.

CYMA Chairman Pu Lalhngeta Ralte, chungṭuan Professor Malsawmliana le CYLA Chairman Pu HC Ruatpuia cu, nizan October 16 ah American ram Indianapolis dam tein an phan, tiah theih a si. CYMA le CYLA in hruaitu pathum hna cu a ra laimi October 22 ah tuah dingmi Chin Kum thar zawh dingin Chin Association of Maryland nih an sawm hna hi a si.

A hlan zong ah Mizoram ramkulh, fimcawnnak zung palai zong American um Chinmi nih an rak sawm bal cang. CYMA phu cu Mizoram ramkulh khuapi le khuate ah chungtel an um i, Mizoram ramkulh chung ummi mino paohpaoh cu CYMA chungtel in an um dih. CYMA nih Mizoram ah ralzam dirhmun in ai dormi Myanmar rammi hna cu a lamkip in an bawmhchanh hna, tiah theih a si.

Matupi Pengkulh Fim Cawnnak Zung Lutlai U Tin Luai Cu CDF-Matupi Nih Kan Fimhlawm Tiah An Thanh, Chin ramkulh, Matupi ah pengkulh fimcawnnak zung lutlai U Tin Luai cu CDF-Matupi nih kan fimhlawm tiah nihin October 17 ah CDF-Matupi nih cathanh an chuah. U Tin Luai cu a luancia October 16, zaan ah Matupi khuachung a umnak inn ah meithal kah in thah a rak tong.

CDF-Matupi nih cathanh an chuahmi ah cun U Tin Luai cu SAC ralkap rianṭuannak tangah a ummi fim cawnnak hma a kal khawhnak dingah rian a ṭuantu Non-CDM pakhat a si, CDM a tuahmi hna cu a phunphun in tlerhkhonhnak a tuah hna leng ah Non-CDM tuah ṭhan ding in a fialchih hna, CDM tuahtu hna cazin cu SAC ralkap sin ah a kuat hna, cheukhat CDM tuahtu hna cazin min cu cunglei ah pe loin a um i SAC ralkap pension a la cangmi bu-hmu Win Naing he i bawm in CDM tuahmi hna thlahlawh an chuah i an i lak tawn tiah an langhter.

CDF-Matupi nih U Tin Luai cu ca in voi thum, kaa in voi tampi ralrin peknak tuah a si cang ko na in, kan chimmi nawl a zulh duhlo caah CDF-Matupi nih kan tawlrel hi a si tiah an langhter. CDF-Matupi nih ralrin peknak thanhca (no.2/22) le (no.4/22) ah langhter ning ah mipi a leirawitu tiah hmuh a si i, SAC ralkap kan dohnak ah SAC ralkap bochanmi le a hmanrua dirhmun in a um caah U Tin Luai cu fimhlawmnak kan tuah hi a si tiah CDF-Matupi nih October 17 ah cathanh an chuah.

Uganda Ramah, Ebola Zawtnak In Minung 19 An Nunnak A Liam Cang! 2022 September 20 , Ebola zawtnak a chuah hnuin, minung 19 an nunnak a liam cang i minung 58 sinah zawtnak hrik an hmuh hna tiah Uganda ngandamnak lei zung nih October 15 ah an thanh tiah theih a si.

Uganda President Yoweri Museveni nih Ebola zawtnak kham khawhnak ding caah pengkomh 2 cu zarhthum chung lockdown a chiah i cu zawtnak cu zeitindah ai thok timi a hrampi kan kawl lai tiah a chim. Biakinn, dawr, bar ti bantuk pawl zong an khar dih i, Mubende le Kassanda pengkomh pahnih cu ni 21 chung lockdown an chiah tiah theih a si.

Matupi Head Of Education Kah A Ton Hnuin, SAC Nih Matupi Khuachung Ah Checkhlatnak An Tuah! Chin ramkulh, Matupi ah nizaan October 16 zaan suimilam 8:25 ah head of education U Tin Luai cu a inn chungah kah a tong i a hmunah a thi. Thah a tongmi U Tin Luai cu, a luancia 2019 lioin head of education rian a tuan. SAC ralkap nih hramhram uknak an lak hnu zong ah CDM tuah loin NON-CDM in a ummi a si tiah theih a si.

U Tin Luai kah a tonnak kong he pehtlaiin nihin October 17 zingka tein, SAC ralkap nih Matupi khua chung i mi choklet hna cu checkhlatnak an tuah hna i, lam ai tonnak hmunkip le lam kilkawi kip ah, gate an chiah caah khuami cu thinphang in kan um ko tiah Matupi khuami pakhat nih a chim. Crd-Kan Chin Post

Be the first to comment

Leave a Reply

Your email address will not be published.


*