Ngaihchia tuk asi, Afghanistan ram i nu sianginn ah bomb a puak i minung 58 nunnak a liam

Afghanistan Nu Sianginn hmai Bomb puak mi in a thi mi 58 an si

May ni 8 zarhte ni Afghanistan khualipi Kabul, Nu Sianginn hmai Bomb puah ruangah a thi mi minung 58 an tling cang. Mi 150 leng nih hliam an tuar tiin rian ngei tu hna nih an chim.

Zarhte ni zanlei Bomb puahnak hi Kabul thlanglei Shiite Muslim pawl tam nak hmun Dash-e-Barchi-a Syed Al-Shada Sianginn pawng ah a si. Sianginn an ttin lio 4:30 hrawngah a puak mi a si i, a thi mi hi Sianghngakchia kum 11-15 kar zeimaw zat an i tel.

Mah kong he pehtlaihin Afghanistan President Ashraf Ghani nih “Thil chia a tuah mi hna hi Taliban Tapung pawl an si hrim lai, Sual ka phawt hna” tiah a chim. Taliban nih kanmah kan si lo, kan mi le sa hna an si ahcun kan hrem hna lai an ti ve.

Bomb puahnak in a thi mi chung le nih cun Afghanistan Cozah cu an ram chung thazaang hmangin i thah nak le ramchung i doh nak cu a khap kholo tiin cozah cu mawh an puh ve.

Cheukhat nan chung le cu um nak thei lo in an um caah Siizung lei zong an kawl lio a si.
Mah buainak hi US le NATO ralkap pawl Afghanistan in lak a si hnu zarhkhat hnu ah a cangmi a si i, Afghanistan in ramdang ralkap pawl lak an si hnuah Nawlngeihnak i cuh in Afghanistan Security Force le Taliban Tapung pawl i doh nak a karh than mi a si.

The Chin Post

Be the first to comment

Leave a Reply

Your email address will not be published.


*