New York khuapi UN Headquarter Peace and Security status thar Cu Kan Bible Nih A Chim Mi Sahrang He Aa Khat

New York khuapi UN Headquarter Peace and Security status thar(Sahrang)

United Nations Headquarter hmai ah an ser thar mi Peace and Security status pi cu Biathlam chung ah a lang mi Sahrang he ai lo in ser mi a si. Pawlai bantuk a si i a lu chiadeih bantuk, mupi bang thla a ngei i a ke i vom bantuk a si mi sahrang lem pi hi New York khuapi UN Headquarter hmai ah Artist Jacobo le Maria Angeles nih an ser mi a si. Hi sahrang sernak ding phaisa hi Mexico cozah nih a hlut mi a si.
Biathlam 13:2 (Ka hmuhmi sahrang cu a mui ah Pawlai a lo, a ke cu vom ke bantuk a si i a kaa cu chiandeih kaa bantuk a si. Limkeng nih khan sahrang cu, a țhawnnak le a bawi țhutdan le a nawlngeihnak a kau ngaingai mi kha a pek.) Daniel 7:4a (A hmasa bik cu chiandeih bantuk a si nain Mupi thla bantuk a ngei…)
Biathlam le Daniel cauk ah fiang tuk in a lang mi Sahrang he ai dannak a um lo. Cun hi milem an ser hnawh channak cu Peace and Security caah a si lai ti a si fawn. 1 Thesalon 5:3 nak ah (mi nih zeizong vialte a dai dih ko an ti lio ah rawhnak nih a phak hna lai…) tiah a langhter. Hi hi caan donghnak caan cu a si.
Cucaah UN nih daihnak le humhimnak (peace and security) caah tiin Sahrang lem an ser mi nih hin caan a nai tuk cang ti hi a langhter hlah maw timi ruahnak a chuah ter ngai.

1944 lio France ram caah German ral do tu nu raltha Simone Segouin.

May be an image of 3 people and people standing
Skirt tawi te he German ralkap sin in a fir chom mi MP-40 meithal a i ken pah. A chim mi cu ‘Ram le miphun caah meithal he Paris khuapi chung ka luh kha kai uan bik mi a si’ tiah a chim. German ralkap nu sin in bicycle a rak lak khawh i, ralkap chung thawngpang i pek nak ah a rak hman.
May be an image of 1 person
Ral a dih hnu ah ‘Croix de Guerre’ timi ralkap lei min tthatnak a hmu. Cun Nurse rian an pek fawn. Tu ahcun kum 95 a si cang ah France ram Courville sur Eure ah khua a sa. France ram mi caah cun chinchiah tlak nu a si

May be an image of 1 person

Fanu Fangkhat Tuanbia Tawi

Hlanliopi ah mipa pakhat nih fanu fangkhat te a rak ngeih, a pa nih cun a dawttuk ruangah a duhnak hi tlinter khawh peng arak i zuam.Nikhat cu a fanu te cu fakngai in a rak zawt tikah a dam khawhnak hnga tiah a pa cu a si khawh chung in a rak i zuam. Sihmanhsehlaw, a pa i a zuamnak le a retheihnak nih a fanu damnak ahmuhter khawh lo ruangah a fanu te cu a thaw a hung cat thluahmah i a nunnak cu a hung liam ai.A dawttuk mi a fanu thihnak nih cun dawtu a pa thinlung cu a vun khehkhuai tikah hawikomh zuamlonak, zeituah hmanh zuamlonak le lente celh zong zuamlonak ngei in a caan cu mitthli he a  hung hman peng cang.

Zaaan khat cu mang a vun manh i a mang ah cun  vancungmi hngakchia tete hna cu phayawngdan (candle) van mi put in siangpahrang thutden velchum ah an i vel len hna khi a hei hmuh hna, culio ahcun a phayawngdan mei a ceu kho lo mi nu hngakchia te kha fiang deuh in a vun zoh tik ah cun a fa nu te kha a rak si e.

Cubak cun mipa cu a tho i Rianrang in a fanu te cu a hei tlik hnawh i a kuh, a reh chih cun a vun i hrim i bia a hal mi te cu “na hawi le mei vialte cu a vang dih asinain ziah nang mah mei hi a van ve lo tiah” a pa nih cun a vun hal.

A fanu te nih a vun leh mi cu “ka pa ka mei hi an ka van piak peng ve ko nain na mitthli nih pei a hmih than leng mang cu” tiah a vun leh. Cuhnu thok cun a pa cu a fanu zuun tuar ti lo in a caan hna cu a vun hman khawh thannak a si. Hi tuanbia nih hin hi vawlei in  kan Liamtak cangmi kan chungkhar kan unau hna zunn hi kan nunak rawklak tiang in kan tuar awk a silo timi a langhter duhnak asi.

Phaisaa Deu Cu Phanawk Um Lo By Zaw Min Htun

2008 phunghrampi zulh phung pohmah 36 (ngah) in Kawlram chungah phung ningiun serchuah mi phaisa, Phungning si loin tathmat mi a si lo nak kong, Phaisa deu kong zong online in hlennak a tampi a chuak tiah Zaw Min Htun nih tuni thawngzamh thianhhlimnak ah a chim.

” Cu ruangah Phaisa deu cu mipi lei in thinphannak a um loin zumhawk tlak in hman khawh a si” tiah Zaw Min Htun nih a chim. A Chim duhnak cu Phaisa deuh hman a ngah a ti nak a si i a hmang mi theih mi cu tzacuai an ngah tinak zong a si. . ” Phaisa 30000ks  hal a dih in phone phih, account phih in hlennak pawl online ah a chuah” tiah a chim.

Online chungah phaisa deu tiin zuarnak cahmai  pages (7) cu zohfelnak,tazacuai nak pawl tuanvo laknak kong zong a chim. Thawngpang theih ning ah cun mah cahmai pages (5) cu Myan Aung pengkulh, Ka Nawnay May police sakhan le Myan Aung khuapi police sakhan ah tazacuainak a um tiin theih a si.

A laun cia mi kum 2009 in 2010 ah phaisa deu ahmang mi voi 19 an rak tlaih bal cang hna. Kum 2020 in 2021 ah voi 6  le kum 2021 in 2022 ah voi 25 a si cang nak kong zong Zaw Min Htun nih a chim. Phaisa deu a hmanh mi tlaih nak a chuak 2021-2022 ah a tam bik a chuak ti zongin a chim.

Kum 2022 chungah Nay Pyi Saw, Kayin ram, Irrawaddy ramthen, Bago ramthen le Yangon ramtthen hna ah phaisa deuh tlaih mi hi thawnghra  ca cu a tlap in thawng nga leng, Thawng nnga ca cu a tlap in thawng kua  leng a um cang tiah kawlram chung thawngpang theih ning ah theih a si.

Zohfel A Si Lo Mi NLD Party Le SNLD Party Cu Phung Ningin Pek An Si Lai Tiah SAC Ralhrang Rian Khinh Khin Maung Oo Nih A Chim

May be an image of 1 person, standing, indoor and text that says "ကောက်ပွဲကော်မရှင်က ဆက်လက်"

NLD party le Shan party a si mi SNLD party cu zohfelnak aum lo ruangah Upadi he aa khat in hna tlak nak dantat nak tuah a si lai tiah SAC ralhrang lei in U Khin Maung Oo nih a chim. ” Kan mah lei zong in mah he pehtlai in , mah piatkuat nak he aa pehtlai ah cun Commission chungtel pawl an si.

May be an image of 1 person, standing, indoor and text that says "ကောက်ပွဲကော်မရှင်က ဆက်လက်"

Commission lei zong nih a tu kan mah nih kan tinpiah mi bantuk hi a si ko. Khual a tlawng lio mi minung pawl he kan i tong kho rih hna lo. Kha pawl an rak phak kan i ton a si ah cun kan mah nih kan i timh mi cu Tatmadaw hi a si. Tlamtling tein i ton khawh a si ah cun Upadi he aaa khat in a herh ning in bia chah nak kan ngei cang lai.

May be an image of 1 person, standing, indoor and text that says "ကောက်ပွဲကော်မရှင်က ဆက်လက်"

Mah biachah nak kan tuah tikah hi kong he pehtlai in kan mah lei nih theihter nak ca kan rak chuah te lai tiah” Khin Maung Oo nih a chim. Khin Mawng Oo nih tu ni Thawngzamh thianhhlimnak an tuah mi ah a tu bantuk in a chim hi a si.

May be an image of 1 person, standing, indoor and text that says "ကောက်ပွဲကော်မရှင်က ဆက်လက်"

Be the first to comment

Leave a Reply

Your email address will not be published.


*