Tlangcung Hriamtlai Poh Ralhrang An Kah Cuahmah Cang Ralkap 60 An Thah Than Hna

Nizaan ah kahdohnak fakngai in a chuahnak Laykaegaw ah ralhrang bawmtu ding ah thlahmi ralhrang phu le KNLA kar Metraw Talay khua pawngah nihin zinglei ah kahdohnak a chuak than tiah khuachung thawngzamhnak nih a langhter. Nihin December 16, zinglei suimilam 9:00 luan ah ralhrang phu le BGF phufonh nih,.

Laykaegaw khuachung luh an timh lio ah kaphnihkar kahdohnak a chuak. Nizaan Laykaegaw ah a chuakmi kahdohnak cu zinglei ah voikhat, zaanlei ah voikhat kaphnihkar kahdohnak a chuak. Cu kahdohnak ah cun ralhrang lei in a tlawmbik minung 30 leng an thi lai tiah cu thawngzamhnak nih cun a langhter. The Irrawaddy- The Chin Post – Nizan December 15 KNU hmunhma chung kahdohnak ah Kawl ralkap 20 tluk an thi i 23 a nung in an tlaih hna,.

Kaya(Kayinni) ramkulh, Loikaw le Demawhsu peng chung ah ralhrang phu le Kayinni ralkap phufonh kar nihin zinglei suimilam 10:00 in kahdohnak tiah theih a si. Demawhsu pengchung ah nihin December 16, zinglei suimilam 10:00 thok in ralhrang phu lei nih hriamngan in an kah hna leng ah Loikaw khuachung zong zinglei suimilam 10:30 in hriamhme kahthawng theih a si tiah khuachung ummi nih an chim.

Kayinni ralkap cathanh chuah ning ah zinglei suimilam 9:40 thok in Loikaw peng Loilinlay nichuahlei ah ralhrang phu le Kayinni ralkap kar fakngai in kahdohnak a chuak. Ralhrang phu hna cu leikuang chungah khamkanh an si caah ralhrang bawmtu nih hriamngan kah in an bawmh hna tiah theih a si. Cun Demawhsu peng Sanpiah meng 6,

Wanlathua khua ah hmunhma lonh in a ra mi ralhrang phu le KNDF,KA kar December 16, zinglei suimilam 10:00 ah kahdohnak a chuak i vcu kahdohnak ah cun kaphnih in hliam an um. Ralhrang phu lei in minung 4 an thi i minung 2 nih hliamhma an tuar. KNDF lei in minung 2 nih hliamhma an tuar tiah theih a si. Khit Thit Media

Nawlngeihnak Lak Hnu Ni (318) Chungah Thah A Tong Mi (1339) An Si Cang AAPP nih December 15 ni tiang cazin a lakmi a thanh ningah ralhrang nih hramhram in uk nak laak hnu ni (318) chungah an thahmi (1343)an si cang tiah theih a si. Tlaih a tongmi (10971) an si . Tlaih ding in nawlchuah mi 1964 tiang ansi cang. Ref: Than Lwin Times

Be the first to comment

Leave a Reply

Your email address will not be published.


*