Nan Nih Cu Khikaa Hmun Kahdohnak Ah Ram le Miphun Caah Nan Nunnak Nan Pek Cang E

Nan Nih Cu Khikaa Hmun Kahdohnak Ah Ram le Miphun Caah Nan Nunnak Nan Pek Cang

HAKHA PENG KAHDOHNAK AH CDF 2 AN NUNNAK LIAM Lawngtlai 25 Vaupi 2022 : Hakha le Chunchung kar nihin 25 Vaupi 2022 zaanlei suimilam 2:30pm ( Myanmar 3:30pm) hrawng ah Hakha le Chuncung kar ah ralhrang le mizapi ralkap kar ah kahdohnak a chuak i CDF Hakha lei in Salai Lian Sang Bik le Salai Solomon Biak Cung Nung nih ram le miphun caah an nunnak an pek tiah kan theih. Hi kahdohnak ahhin ralhrang lei in a thimi zat theihfian a si rih lo i, CDF Hakha lei zong nih thanhmi zeihmanh a um rih lo.

Ngaichiatnak Cathanh 25/4/2022 Chinland Defense Force-Hakha i kan ralkap asi mi hna Salai Solomon Biak Cung Nung (kum 21) le Salai Lian Sang Bik (kum 20) hna nih 2022 April thla ni 25 ah hmaikal in ralhrang an dohnak hmun ah ram le miphun caah nunnak an pek. Kan ralkap hna nih ram le miphun caah nunnak thap in an i pekchanhnak cu Chinland Defense Force-Hakha nih a sangbik upatnak kan pek hna. Tantak mi chungkhar hna sinah Chinland Defense Force-Hakha nih ngaihchiatnak kan in hrawm pi hna.

R.I.P: A Poituk E: Nihin Kahdohnak Ah SAC Ralhrang Kut In CNDF Pasaltha A Nunnak a Liam, Sagaing ramṭhen, Kalay peng chaklei, Chuang Khwa ( ‌ေချာင်းခွ) khua meikhangh in a hrawktu SAC ralkap hna le mizapi vengtu ralkap karlak ah nihin April 25 chun Sml 12:00 hrawng ah kahdohnak a chuak i kahdohnak ah SAC ralkap lei in a thi mi an tam, tiah VAKOK (CNDF) ralkap sin in theih a si.

Sagaing ramtthen, Tamu peng Myotit khuapawng lamkam ah Chin mino pahnih ruak cu April 24, zinglei ah hmuh a si. Thah a tongmi hna cu Teiyang khua mi Ko Sun Min – kum-20 le Ko Thang Ko Gin- kum-25 an si. April 23 ah khuadang ah pumpululh an chuih i, zaanlei ah Phailin khua ah an hawi le tthitum puai kal an tim, Phailin khua phaklai Tanan khua le Myotit khuakar ah thah an ton hi a si. An ruak cu motor lampi he tlawmpal aa hlatnak hmunah hmuh a si i, an ruak pawng ah cun pistol kuan zun 5 hrawng hmuh a si. An ruak cungah cun an lu, keng le an hnak ah tukveknak hma hmuh a si. An ruak cu mizawphor motor he an khualei ah an phurh hna, mizei nih an thah hnami a si theih a si rih lo. Credit: The Chin Post

Hakha peng, ralram kahdohnak hmunhma pakhat. Video a ngeitu himnak caah min kan rak langhter lo.  Credit: The Chin Post. Pray for CNA and CDF Hakha Gangaw in Kawl ralhrang 400 hrawng Halkha khualipi lei ah a ra cuahmahmi cu Lamtuk khua an phan ti theih a si. Chin National Army (CNA) le CDF-Hakha hna nih minung 15 renglo pi Kawl ralhrang hi an kah thah cang hna. Atu hi lamthluanchuak aa kap kho peng dirhmun an si caah CNA le CDFs caah thlaza rak campiak ve hna ulaw.

Gangaw in Hakha lei panh in a kalmi ralhrang, bator minung (lei holh in pamh awk nih a tlinh lo ) hna cu Lamtuk an pha. Lamtuk khuachung ah nizaan le nihin CNA le CDF nih an kah hna nak ah a tlawm bik minung 20 le a tam bik 30 an thi lai tiah zumh a si. A mak taktak mi, uar a um taktak mi CNA le CDF lei in a thimi aa hliam mi an um lo. Bator minung hna a thimi hi Lamtuk khuachung ah an khangh hna a si lai tiah an zumh. Muih tiang kha khuachung in mei alh a lang. Nihin lawng ah voi hnih an i kap. Him hram hna seh a mak takmi CNA le CDF. Crd: Salai TluangTe

Kei cu sianginn taktak kai a cu rih lomi Nursery ngakchia pa te kum ka si. Ram that lo ruangah ka kum a upa deuh cang. Ralhrang kut tang Nursery sianginn ahcun ka nu le ka pa nih na kai lai lo an ka ti. Khrihfabu nih Nursery sianginn a hun i Ralhrang he pehtlaihnak an ngeih ahcun cu sianginn zongah ka kai thiamthiam lai lo. Ka hawi le theihter kan duh ve hna. #WhatishappeninginHakha #NoNurseryUnderSAC. Credit: HCFJ

Ming Aung Hlang Lampi Apit. EAOs Tlangcung hriamtlai phu hna bu pakhat ah ai awhtu minung 2 cio rak i tlah ulaw keimah pumpak in kan ton hna lai i atakin remdainak kan ser lai, ‘tiah MAH nih EAOs a sawm hna. MAH nih atutan ‘biafang’ ahman mi hi phundang ngai asi. Cucu keimah pumpak in kan ton hna lai i atakin remdainak kan ser lai timi ‘biafang’ hi asi. Cuhlan NCA ahkhan hibantuk ‘biafang hi ahman balloh.

Cuhlan NCA lio ahkhan MAH nih tlangcung hriamtlai phu hi pumpak cio in a ton bal hna lo. Meeting tu ah arak chuak i a duhmi bia achim i ‘Meheh lu’ kha nan tar le ‘Uico sa’ nan zuar a ti salam hna i a chuak than ton. MAH nih zei akanrel lo ning hi Federal ‘biafang’ hman hmanh kha arak duh lo. Ka chim duhmi cu; MAH nih atakin remdainak kan ser lai. A rami phu paoh keimah pumpak in kan ton hna lai a timi nihhin cuhlan dirhmun he tahchun ahcun alungthin hnar cheu atla cang ti hi afiang ngaingai.

MAH nihhin PPST hna hmang in, Inn chung lut aitmh. Abikin PPST ah lutlai asimi RCSS Chairman Yawd Serk kha a kawmh. Cucaah kan hnulei ah RCSS le SSA an ikap lio ahkhan MAH nih aralkap kha RCSS a vabawmhter hna nak kha asi. Kan hnu lei ahkhan Yawd Serk nih achimmi ‘bia’ cu NGU pawl PDF hna hi tha tein nan control khawh hna lo ahcun ‘da niah’ ah an ichuah lai a ti. Hi bia nihhin Yawd Serk nih MAH zeitluk in dah adir pi tikha hmuh khawh asi.

MAH le Yawd Serk an ibawmh i SSA an va tuk hna i zohchia ngai in an sungh. Nizan tih ni ahkhan Yawd Serk ralkap RCSS minung 300 nih SSA ah an ifonh. RCSS le MAH hi an ibawmh nain, eibar an chuak lo tikah hmai an fong kho tilo. Cucaah RCSS nih PPST kha hnu an chit tak. Ka chim duhmi cu; MAH nih RCSS hmang in PPST in ‘innkaa’ onh aitimh mi kha atlam atling tilo. Atulio PPST chungtel hna kan zoh hna tikah zei rua ram lo.’mah tein a dir kho lomi lawngte an si hna. Atulio PPST an hruaitu Khun OKker khi kut dong in relkhim mi ralkap lawng a neih hna.

ALP khi ralkap nak in hruaitu an tam deuh tiah an capo mi hna an si, ABSDF zong khi amah tein ‘rawl’ ai kawl kho lomi dirhmun an si ve. Hibantuk dirhmun fek a neih lomi lawngte nihhin atutan MAH sawmnak hi an kai teh lai. Cucaah atutan MAH nih kawhmi meeting hi namtong in tupi ‘lo’ vat ah ithawh bantuk khi an lawh teh lai. MAH nih aitimh mi cu; EAOs he remdainak ser in PDF tuk kha asi. Hi thencheunak policy hi atlam atling tilo caah alungthin hnarcheu atlak nak hi asi. Cucaah ra uh keimah pumpak nih kan ton hna lai i atakin remdainak kan ser lai,’timi ‘biafang’ ahmannak hi asi. Hi biafang ahman mi nih hin alungthin hnarcheu atla cang tikha fiang ngai in hmuh khawh asi. Credit: Van Neih Thang

MAH Nih Ka Sungh Cang Ko Tiah Phungning Tein Thanh A Ngamhlo Caah EAOs He PEACE Tuah Aduh: MWD TV in 22 April 2022 ah, Ralhrang Luzik MAH nih EAO Hruaitu hna he tawn ka duh, PEACE ka duh, Keimah pumpak in ka tawn hna lai I Biaruah ka duh hna, a herh ahcun nehhnu program zong kan suaisam chih lai. 2022 cu Remdaihnak kum kan ti mi a Hlawhtlinnak hnga caah EAOs vialte sinah PEACE tawnbiaruah awkah ca an kuat dih hna. May 9 hlan ah cazin kan pek uh law nicaan cu kan remhchun te lai tiah a ti hna.

Bochu Zaw Melung nih PDF / CDF / LDF cu kan sawm hna lo. Ralhrang ansi caah asi ati. EAO nih an bawmh hna caah GZ Ralkapbu nih an ka TEI tiah a zumh caah hitin a tuahnak hi asi. EAOs he PEACE atuah khawh ahcun, PDF / CDF / PDF kha hloh in, NUG sungh ter cikcek hnu ah, Thimhnak tuah, MAH le Ralhrang Rallokap nih zungzal ukding timi Planning he PEACE tuah aduh nak asi. A Satan thluak asi. EAO lawngte an um hnu ah biakam Senthuhnak a hrawk lai I, EAOs cu a den te hna lai. Cuticun Kawl pennak, Ralhrang pennak, Buda Bada pennak cu Kawlram ah zungzal an dirh te lai, Hninh khawh le ṭhial khawh asi ti lailo.

NUG le CDF / PDF / LDF an thazang a ṭhawn chinchin, a tei ti hna lo, TEI khawh an si ti lo, ti kha a hngalh caah PEACE lei aa ti ter mi asi. Phungning tein thanh kha angamh lo, Surrender tuah azohchia a ti caah PEACE aa ti ter mi asi. Arau hlan ah Mipi nih TEINAK kan hmuh cang lai, Mipi sinah Uknak aphan cang lai, NUG kut ah mipi nih uknak kan chanh can a nai cang. Kawlram dam hram aa thawk cang lai, ti hmelchunhnak asi. Cucaah hi PEACE TALK ah tel aduh mi upa le hruaitu cu luat loin hloh si ve hnaseh, Dalan Tumrangpi an si ko caah.

MAH nih Theory aapalh mi cu EAOs le CDF / PDF ṭhen hi asi. Chin, Kachin, Karen, Kareni, Shan ah EAOs le CDF / PDF cu ṭhen khawh asilo. EAOs ruangah CDF / PDF an thawn siloin, CDF / PDF ruang ah EAOs an thazang acak chin, TEI awk an ṭhalo ti tu hi biadik le biahman asi. Tutan PEACE TALK ah tel aduhmi EAO hruaitu upa nih nan hngalh awk asi mi cu; CDF / PDF an um lo ah cun a rau hlan an den colh hna lai, nan cihmih khawh asi ti hi asi ko. I faksak hlah uh. MAH nih Theory aapalh mi cu Mipi nih kan tei cang tinak asi. Hmailei zong an kan tei ti lailo tinakasi. Credit: Zingtincuai Cinzah

Kawl ralkap Bawizik MAH nih tlangcung hriamtlaiphu pawl cu daihnak kongah biaruah dingin sawmnak a tuah. A mah pumpak bak in bia kan ruah hna lai ti tiang a chim. A mah hmanh nih biaruah a ngamh ko ahcun ziah bia kan ruah lai lo timi phu zong an um kho te men. Cun mithah, misual pa he biaruah ding cu NO bak asi timi phu zong an um kho men. A fiangmi cu tlangcung hriamtlaiphu pawl lakah ruahnak a dannak tete a lang te men lai. Chim duhnak cu ton biaruah duhmi phu pawl le ton biaruah bak lo ding timi phu 2 um dawh asi.

Bialam pial ta duah ning — Chin ramkhel thiamsang pawl chungah MAH kut chungin federal lak le DASSK kut chungin federal lak cu a dannak a um lo– kan miphun caah thahnemsantlai asi paoh ahcun timi ruahnak zong a chuah kho men ve. Kawl miphunpi uktu pawl cu thilumtuning a tha pah ti lo ti an theih ahcun an tuah tawn pengmi asi. Tlangcung hriamtlai pawl he daihnak siloah remnak a tuah khawh lo ahcun Daw Aung San Suu Kyi he zong remnak tuah a zuam te kho. ” Kan mah le kan mah peih kan si ko cu, kan itheithiam lo caah thil a cang sualmi asi, Kawlram kan sersiamti than lai” ti phun in an bia a kal kho te. An sinpit ahcun tlangcung hriamtlai pawl an cheih thanti kho.

Zeipoah asi kho tiin ruahcia le itimhtuahcia hi a palhnak a um lo. Kawl miphun hruaitu cheukhat pawl hi an mah caah miaknak asi paoh ahcun khupbil le lungthumh an ifawih tuk. Cun Kawl miphun hruaitu cheukhat pawl hi Kawl le Budabada biaknak a biak mi nih Kawlram an uk lo ding asi ahcun an mah le an mah an ifuntom than kho ti hi ruahchih peng a hau. Cucaah Kawlram dohthlennak le naingngaizi ah hriamnam thazang a thawngmi ralkap ngeih lawnglawng ah ahoho an kai zongah kan Chin miphun le ram tha tein an kilven khawh lai. Chim duhnak cu aho nih Kawlram ah President a tuan, aho nih Kawl ralkap bawizik a tuan zongah a poinak a um lomi Wah bantuk dirhmun phanh khawh izuam cio tu khi kan rian a ngan bik asi awk asi. Credit: Salai ZT Lian

 

Australia Nih Raltuknak Caah Timhlamhnak Kan Ngeih A Herh., Russia le  China ral tihphannak he pehtlaiin Australia hmunhimnak vuanci Peter Duton theihter ralring peknak a chim hnuah Russia-Ukraine kahdohnak ruangah kan mah lei zongin Raltuknak caah timhcia in um kan herh tiah a chim. Beijing le Moscow cozah ruangah kan Vawlei cung ah nawl ngeitu thar an chuah kho tiah Australia vuancichoh nih a chim dih hnuah a cung lei bantuk in Peter Duton nih a chim.

Beijing le Solomon tikulh ramhnih karlak ah lungtlinhmi ralvennak minthut ruangah kan kutkaa in China cu a hlat nak ah chiahnak ding le, kan hoikom pawl he i fonh dingah hnu lei ah kir a si lai lo i, kan mah lei nih a san zong ralhrawng khamnak kan chiah tiah Morrison nih a chim.

Nu pawl le hngakchia pawl a that tu pawl cu kan mah nih mithmuh kuttongh in kan ton cang bantuk in a tu zongah Nu pawl le hngakchia pawl a that hnga ding miniung pakhat a um rih tiah Peter Duton nih a chim. Bitak te le timhlamhnak kan ngeih a hau i, a tu cozah kutchungah ral tuk nak caah timhlamh nak a um rih lo, ral tuk nak caah timhlamh nak kan ngeih a herh tiah a chim chap.

Peter nih cun Australia  China le Russia ral in kan himkhawh nak hnga ding caah timhcia tein timhlamhnak kan ngeih a herh, a tu kan kan cozah kutchungah cun ral tuknak caah zeibantuk timhlamhnak hmanh a um rih lo , Russia bantuk in nu le hngakchia a that e minung pakhat a um rih i, cu cu China uktu Xi Jinping hi a si tiah a ti.