Nan Ngamh Ah Cun Phung Ning Lo Cozah Tiah Au Rih Uh!!

“Theihpi Lomi Ralhrang Cozah-illegitimate military regime” tiih Kawhnak cu Anasa Tukih An Pompi Theilo Thu SAC Ralhrang in Thusuahnak Nei.
=====================
1988 san ih tlawngta hruaitu U Jimmy le NLD Hluttaw palai hlun U Phyo Zeyar Thaw telin mi pa 4 tlunah SAC ralhrang ih thihding daantatnak thu thawn pehpar in France Europe le ramleng lam vuanci zung, le Yangon ih France Embassy pawl ih thusuahnak ca sungah SAC ralhrang cu “”Theihpi Lomi Ralhrang Cozah-illegitimate military regime” tiah an tarlang. Cuih an hmanmi cafang tlun ah SAC ramleng lam vuanci zung in duhlonak ca an hnenah kuatin aum zo ih cuih an hman mi cafang hi thil thalo a suahpi theimi asi, kan pompi theilo tiah SAC in thusuahnak a nei. Crd-Chin Tv

Magwe ramṭhen Gangaw peng chaklei Ngaunglay(ညောင်လယ်) khuachung ah June 3, zaanlei ahkhan SAC ralkap nih khuachung ah inn an rak khangh. Inn an khanghmi pakhat chung ah a kut thirhri ṭem chih in khanghmi ruak pakhat cu khua mi nih an hmuh. Ngaunglay(ညောင်လယ်) khua Tlanglawng lam pawng inn pakhat chung zong ah thirhri in ṭem i, khanghchihmi ruak 4 hmuh an si, miruak 5 hna cu mizei nantuk an si, ti hngalh a si rih lo.

Kyaikhto Peng Ingabo Khua Pawng Kahdohnak Ah SAC Ralkap 10 An Thi: Mon ramkulh Kyaikhto peng Ingabo(အင်္ဂဘို) khua ah SAC ralkap motor run cu nihin June 7, zinglei ah tualchung hriamtlai phu (PDF) nih an kah hna i, SAC ralkap 10 an thih lengah 15 hliam an tuar, tiah tualchung hriamtlai phu battalion 3, Tathung(သထုံ) pengkomh nih an thanh. Kahdohnak ah cun tualchung hriamtlai phu lei hliamhma tuar um lo in hnu an tolh kho, tiah an langhter. Kahdoh a chuahnak hmun cu KNU brigade 1 hmunram chung ah a si i, SAC ralkap motor run cu KNLA le PDF phufonh nih atu le tu an kahdoh tawn hna, tiah theih a si.

North Korea nih a rauh hlan ah nuclear hriamnam hneksak ding in timhtuahnak a ngeihmi he pehtlaiin thinphang a si, tiah US nih a chim. Nuclear hriamnam hneksaknak a tuah taktak ko ahcun Japan, South Korea telh in US le an hawile ram hna nih lehrulhnak kan tuah colh lai tiah US ramdang pehtlaitu minister nih a chim.

North Korea nih a rauh hlan ah a vawisarihnak nuclear hriamnam hneksaknak a tuah kho tiah US ramdang pehtlaitu nih June 6 ah khan thawngpang latu hna sin ah a chim. US le a hawile ram hna cu Indo-pacific telh in vawlei cung hmunkip ah kan um i, North Korea nih nuclear hriamnam telh in missiles hneksaknak a tuahmi cu kan hawile ramdang zong nih an theih dih cang tiah a chim chap.

North Korea nih nuclear hriamnam vawi tamtuk a hneksak ruangah dantatnak le phihkhamnak hna cu a hlan nak fak deuh in pek a herh tiah US nih UN Security Council ah a chuahpimi biatung cu Russia le Tuluk nih VETO Power hmang in an hnon. Asinain North Korea nih nuclear hriamnam a hneksak ṭhan ahcun UN Security Council ah biachahnak pakhat khat tuah dingin US nih biatak tein ṭuanvo a laak lai tiah UN Security Council ah ambassador simi Linda Thomas Griffiths nih a chim.

Mizapi lei ṭang loin SAC kuttang ah rian a ṭuan i, CDM pawl a tlerhtu Non-CDMer minung 8 cu kan tlaih hna, tiah CDF-Kanpetlet nih June 5 ah cathanh an chuah. Chin ramkulh thlanglei Kapetlet peng ah SAC nih rian an ṭuanmi ṭhanchoter a duhmi le anmah kuttang rianṭuantu Non-CDM minung 8 cu, biaceihnak phunglam ning in CDF-Kanpetlet nih kan tawlrel cuahmah. Peng siibawi pakhat telh in Non-CDM minung 8 hna cu dantatnak an tuah hna, tiah theih a si.

“CDM a tuahtu pawl zong an tlerh lengmang hna. Kanmah Battalion zong nih Non-CDM pawl cu khua chung in chuah ding ralrin peknak cathanh kan rak chuah cang, an zulh lo caah kan tlaih hna. Peng biaceihnak le phung lam ning in biaceih piak an si,” tiah CDF-Kanpetlet ṭuanvo ngeitu nih a chim. An tlaihmi 8 chung ah Kanpetlet peng siibawi Dr. Aung San Oo, peng vawlei lei tawlreltu bawi Van Htu, zung rianṭuan Thu Zar Aye, Khonutum tupi uktu Thun Ṭin, sianglairun uktu Aye Maung, Fimcawnnak zung in cazi Om Yawng, sianglairun cachimtu Shi Ling le cazi Shing Ki Ling hna an si, tiah an langhter.

Zeitin dah CDF-Kanpetlet nih dan an tat hna ti cu an cathanh ah an langhter lo. An tlaihmi Non-CDM minung 8 hna cu Kanpetlet khuachung ah an um ti lo, tiah theih a si.Kanpetlet khua chung ah mizapi tangka a chuahtu minung zong an tlaihmi 8 chung in biathli an phuan. Mizapi lei an ṭan lo a si ahcun a rauh hlan ah dantatnak kan tuah ve hna lai, tiah an langhter. Cu bantuk ṭhiam in, SAC a ṭanhtu le Non-CDM he rianṭuanṭi mi khuanu khuapa hna cu faak piin dantatnak kan tuah cang hna lai, tiah CDF-Matupi nih June 6 ah cathanh an chuah ve.

Sagaing ramṭhen, ShweBo peng, Zee Phyo Kone khua ah umhmun a khuarmi SAC ralkap le Phyosawthi hna cu mizapi vengtu ralkap hna nih an kah hna i SAC ralkap 2 an thi, tiah Bo Kyua Sine Pah-Kah-Phah ShweBo nih an thanh. Hi kahdohnak hi nizan June 6 ah a si i mizapi vengtu ralkap phufonh lei cu hliamtuar mi um loin hnu an tolh, tiah theih a si.

Cu kahdohnak ah cun mizapi vengtu ralkap Bo Kyua Sine – Pah – Kah- Phah ShweBo, Mah Ṭa Ṭhuang ( Ta Kuang Phua ) Depezin, C&T SHWEBO, SNAKE EYES PDF, Alpha 7, PEOPLE DEFENSE FORCE SHWEBO, Daung Man hriamtlai phu le Tat Puang Suh 2 hna an i bawm tiah theih a si. Bo Kyua Sine Pah-Kah-Phah ShweBo hriamtlai phu hna nih hin April 13 zong ah khan Zee Phyo Kone khua ah umhmun a khuarmi SAC ralkap le PhyoSawHti hna cu an rak kah hna i SAC ralkap 3 hliam an tuar.

Nan Ngamh Ah Cun Phung Ning Lo Cozah Tiah Au Rih Uh!!

Be the first to comment

Leave a Reply Cancel reply