Nan duh le ka that ko uh, South Asia rili in kan Tilawng pawl pakhat hmanh kan thawn lai lo

Nan duh le ka that ko uh, South China rili in kan Tilawng pawl pakhat hmanh kan thawn lai lo

South China Rili an i cuh lio mi hmun ah a um mi Tilawng pawl cu lakthan dingah Taluk nih Philipine a ti mi cu Philipine President Duterte nih sam fatian te hmanh kan thawn lailo tiah a al.

Taluk ralkap um dingah an i timhnak hmun Thitu tikulh telin Economic Zone ah Philipine Mipi ralkap Tilawng pawl an chiah chap mi kongah Philipine President nih nizan TV in a chimhnak ah kan ralkap lutlai pawl nih Taluk he pehtlaihnak kaltak ding le Taluk nih chuk zoh in a ka zoh mi an duh lo caah a si tiah a chim.

“Fek tein kan dir lai. Mah hmun ah kan um rih lai tih chim than ka duh. Cucaah, kan Tilawng Pag-asa le hmundang ah a um mi hna cu sam fa tian hmanh kan thawn kho lo, Nan duh le nan kan thah khawh, a sinain mahka hmunah kan um rih lai. Mah kan i pehtlaihnak zong a donghter kho men” tiah Duterte nih fiangkaro in a chim.

Philipine le Taluk karah pehtlaihnak fek tein an ngei ko nain South China Sea kongah cun ram pahnih nih hnuthawn an i tim veve lo. Thla hramthawk zongah khan Philipine tikulh ah Taluk Tilawng 200 renglo cu phungninglo in an rak lut caah Duterte nih a rak thawl cang hna.

“A bik in Taluk he hin i doh kan duh lo, an cungah lunglawmhnak ka ngei” tiah Duterte nih a ti.

Duterte hi 2016 ah Philipine President ah thim a si hnuah American he kan i then lai tiah a chim. hnuah Taluk lei a batt deuh mi a si caah Taluk he pehtlaihnak fek a ser khawh. A sinain, South China Rili kong he pehtlaihin hnu thawn timh lo in kan ram nawlngeihnak cu kan venhim lai tiah a rak chimh bal cang.

The Chin Post