Myothit Khua Pawngah KIA Le Ralhrang Rallokap Karah Kahdohnak A Fak

Mumoh peng Myothit khua ah KIA le ralhrang rallokap karah pehzulh in kahdohnak a fak tiah khuami sinin theih a si.

Tuzing suimilam 8 hrawng thawk in Myothit khua ah ralhrang lei nih hriamngan in fak ngai in an kah hna tiah The 74 Media nih a langhter.

“Tu zing suimilam 8:15 hrawng in an kah cang hna,pehzulh in an kah,a Thawngpang zong khuachung in theih a si tiah” a chim.

Myothit khua um hmuncheu khat ah ralhrang nih hmunhma an lak tiah theih a si.

Mumoh peng myothit khua le Sihat khua ci KIA nih an lak i Alaw Bum pawnghrawng khua hna ah raltuknak a chuah hi thlakhat leng a si cang.

The Chin Post