Magway ramṭhen, Myothit(မြို့သစ်) peng ah Pyusawhti nuva hna cu June 19 zing sml 10:00 hrawng ah meithal in kah an ton caah a nupi a thi. A vapa cu a luat, tiah Bi Thar Nu(ဗိဿနိုး) PDF nih cathanh an chuah.
Pyosawhti nuva hna cu, Myothit peng Kywinkyi(ကွင်းကြီး) khua ah a ummi, Maung Kaung le Htey Kyi an si i, leikuang ah kah an ton hi a si.
Leikuang ah kan kah hna. Maung Kaung nih a fa cu a hmailei in a cawi i a tlikpi. Ngakchia kan khen sual lai kan ti caah kan kap lo. A nupi cu a ṭang ah voi li kan kah caah a thi, tiah Bi Thar Nu PDF nih an langhter.
Hi hna nuva nih PDF an umnak hmunhma cu SAC ralkap an chimh hna pinah mei khanghnak zong ah an i tel caah ralrin an pek cang hna. Cun, PDF cu a thli tein tlaih khihnak an tuah hna caah an kah hnanak a si, tiah theih a si.
Bi Thar Nu PDF nih a luancia June 6 ah Kywinkyi khuami Pyosawhti Thein Htun zong an rak thah bal cang. Cred : The Chin Post
Leave a Reply