Myanmar UK Palai U Kyaw Swar Min Tlerhkhonh A Tong

NLD nih Kawlram UK palai U Kyaw Swar Min cu August 14 zaanlei thawkin a umnak London chaklei i a inn pawngah ralhrangbu chungtel hna nih voi tam nawn an rathnawh i an tlerhkhonh tiah London ah hrambunh mi Myanmar Accountability Project (MAP) nih August 16 ah a thanh.

Hi kong he pehtlaihin MAP management office director Chris Gunness nih ralhrangbu chungtel embassy office lutlai le a thithruai mi riantuantu cheukhat nih London embassy office cu April 7 ah an hrenh hnuah U Kyaw Swar Min cu CDM cawlcanghnak ah a tel tiah an thanh.

U Kyaw Swar Min tlerhkhonh a si nak kong hi Myanmar Accountability Project nih UK cozah cu hlathlainak tuah piak dingin an nawl.

Atu thil a cang mi kong he pehtlaih in zeitin dah an tlerhkhonh ning a si ti belte cu langhter a si lo pinah U Kyaw Swar Min zong pehtlaih khawh a si rih lo.UK foreign department sin zongah thil sining kan hal lio a si tiah RFA nih a chim.

Kan hnu ah New York ah a ummi Kawlram UN palai U Kyaw Moe Tun cu NUG cozah a tanh ruangah ralhrangbu nih thah an timhnak ah pehtlaihnak a ngei mi 2 hna cu US FBI nih an rak tlaih cang hna.

The Chin Post

Be the first to comment

Leave a Reply

Your email address will not be published.


*