Myanmar Thawngpang He Pehtlai in Dr. Noeleen Hayzer Nih UN General Assembly Ah Repor A Pek!

Myanmar Thawngpang He Pehtlai in Dr. Noeleen Hayzer Nih UN General Assembly Ah Repor A Pek!: Asia ram aiawh in Executive Secretary of UN palai pakhat Dr. Noeleen Hayzer nih Singapore ah an tuahmi Shangri-La Conference ah, ramkhel kong ah buainak faak piin a chuahnak Myanmar cu vawlei cung ramdang dang nih hmunkhat ah lehrulhnak tuah a herh ko, tiah a chim. Myanmar mipi hna nih vawlei cung ramdang in thazaang peknak le bawmhnak an herh hringhran, tiah a chim chap.

Myanmar ah ritsii zuarnak le phungninglo chawlehnak hna cu a hung karh chin lengmang i, phungninglo tuahsernak, tharum thawhnak le buainak a karh chin lengmang caah ramchung lawng siloin ramleng tiang a hnursuan ngai cang, tiah a chim.

Shangri-La Conference cu Myanmar kong he pehtlai in June 11 in tuah a si i, UN Executive Secratery palai Dr. Noeleen Hayzer nih US foreign ministry zung ah ruahnak petu Derek Cholet, Malaysia ramdang palai le Thai foreign ministry zung ah Myanmar kong ah special palai hna cu tonnak a ngeih hna tiah theih a si. Cred : The Chin Post

Be the first to comment

Leave a Reply

Your email address will not be published.


*