Myanmar Ram Pumpi Ah Ramkhel Thongtla Luatnak A Hmu Mi 8% Lawng An Si
Kum khat leng chungah SAC ralhrang nih a voi 7nak zalon luatnak a pek mi hna ah ramkhel thonghla 8% lawng an i tel tiah ISP-Myanmar nih cathanh a chuah nak in thawng theih a si. SAC ralhrang nih hramhram in uknak a lak kaa, Kum 2021 February in kum 2022 April ni 18 tiang Myanmar ram pumpi chungah,
A Cin thongah hrenkhumhmi tazacuai a tong mi le thongdan peek mi hna chungah an zaa piin minung 57,091 hna cu SAC ralhrang nih a voi 7nak zalon luatnak pek dingin thawng thanh nak a tuah hnu ah luatnak a peek ko hna nain mah hna chungah Ramkhel thonghla pawl cu an um lo tiawk in a si tiah cathanh a chuah.
Thawngdang, Zuckarberg Le US Vice-President Cu Russia Nih A Ramchung Luhnak Nawl A Phih Hna, Facebook a sertu Zuckarberg le US Vice President tel in minung 28 cu ramchung luhnak nawl phih piak an si tiah Russia nih thawng a thanh. Hi hi Russia nih Ukraine a tuk ruang ah nitlak lei ram nih chaw lehthalnak (economy) phih kharnak an tuah ruang ah lehrulh an cham bia a si, Russia nih ramchung luhnak nawl a phihmi cazin ning ah Facebook a sertu Maczuckerberg, US Vice President Kamala Harris, Linkedin CEO Ryan Roslanski le ABC reporter George Stefanopulos pawl zong an i tel.
Russian Foreign Ministry nih ramchung luhnak nawl kan phih mi hna hi zeibantuk konglam hmanh ah Russia ram ah luhnak nawl an ngei ti lo tiah a ti, Hi hna pawl hi USA ah Russia huatnak lungthin an ngeih nak hnga thi rawnh tu an si tiah Russia Foreign Ministry nih sual an phawt hna. Asinain Russia nih phih kharnak an tuah mi hi Zuckerberg le Harris caah cun zei pipa ngai in zatlak nak a um lo, Cazin chung ah aa tel mi Meduza news website editor Kevin Rothrock nih cun ”nichuak capo a tongmi bak ka si ko,” tiah a Twitter ah a thial.
Russia nih kan hnu thla zong ahkhan US President Joe Biden le palai 398 cu ram chung luhnak nawl phih an si tiah a rak thanh, Zuckerberg zong hi ramchung luhnak nawl pek lo a rak si bal cang i Linedln hi i 2017 lio khan Russia ah hmannak nawl phih khar a rak si.
Leave a Reply