Myanmar Ram Mipi I Telin Ramchung Sahrang Vialte A Ran Khawh Chungin Kan Kham Hna Lai By Zaw Min Htun!!

Myanmar Ram Mipi I Telin Ramchung Sahrang Vialte A Ran Khawh Chungin Kan Kham Hna Lai By Zaw Min Htun

Myanmar ram mipi pumpak in tel mi Mipi humhimnak system cu tlamtling tein tuanvo lak dingah SAC ralhrang in chim nawl ngei tu Zaw Min Htun nih a chim  ” Mah kongkau he pehtlai in Mipi pumpak in itel in,  Mipi himnak system cu Mipi italnak mipi thazaang, a herh mi bomhchanhnak thilri pawl zong tlamtling tein tuanvo lak a si lai nak kong ka chim duh.

Mah system tuanvo laak a si lai caah Mipi itel in Myanmar ram chungah a um mi Sahrang vialte a ran khawh chung in kan kham hna lai,” tiah SAC ralhrang in chim nawl ngeitu Zaw Min Htun nih a chim. Mah kong hi SAC ralhrang in chim nawl ngeitu Zaw Min Htun nih tuni Nay Pyi Daw ah tuah mi SAC ralhrang thawngzamh thianhhlimnak ah a chim mi a si. Mah chin phuanmi himnak system ah Tatmadaw,

Police phu, Khuate kik bmhchanhtu phu le mipi pawl zong itel in, mah system hi tlamtlin ter khawh ding in tuanvo kan lak lak tiah a chim chap.  Cu ruangah mipi pawl itel nak Rampi Himnak system cu China ram le Iindia hna zongah tlamtlin ter in tuanvo lak a si bantuk in ASEAN ram zongah Philippine le Vietnam etc. tibantuk in ram dang hna zong nih mah system hi an hman mi a si tiah theih a si.

Thawngdang, Palaw Peng Ah SAC Mawṭaw Bomb Puah An Tong I SAC Ralkap 10 An Thi, April 26 zaan Sml 8:30 hrawng ah Myaith(မြိတ်) lei in a ra mi SAC mawṭaw 7 cu Palaw peng Kade(ကဒဲ) khua le Thing Kaan Taw(သက်န်းတော)khua kar an phak ah Palaw Regional Defense Force(PRDF) le ṭangrual phu hna nih bomb an puah hna. Mawṭaw 3 an rawk i, mawṭaw dang pakhat zong a kaang, SAC ralkap lei in hliam tuar zong an um, tiah PRDF nih an thanh.

Cun April 25 zaan Sml 7 hrawng zong ahkhan Palaw pawng Let Ku(လက္ကူး) khua ah a um mi Non-CDM nurse pakhat cu phungki sianginn a um lio ah grenade puah hnawh in ralrinnak an pek, tiah theih a si. Ram pumpi ah khuate lawng siloin biaknak lei he aa pehtlai mi inn pawl zong khanghpiak an si. Ralzaam hna nih harnak an ton lio ah, mah pumpak zawn lawng a ruat mi hna cu dindorh an si lai lo, tiah Palaw Regional Defense Force nih theihternak an tuah.

CDF-Matupi nih SAC Ralkap 8 An Thah Hna Pinah 7 Hliamhma An Pu, Nihin April 27 zingka ah Matupi in Mindat lei a kal mi SAC ralkap mawṭaw pawl cu Matupi in meng 91 a hlatnak ah, CDF-Matupi nih zanlei sml 4:38 ah an kah hna, tiah theih a si. Cu kahdohnak ah SAC ralkap lei in 8 an thi i, 7 hliam an tuar. Tuzan cu Chianpian khua hlun ah an riak, tiah CDF-Matupi Battalion-1 sin in theih a si.
May be an image of nature, road and tree

Be the first to comment

Leave a Reply

Your email address will not be published.


*