Ramdang nih NUG cozah Bawmhnak Pe Kholo Dingin Akhamtu Hi INDIA le THAILAND an Rak Si Ai
Dr.Lianhmung Sakhong , Ramdang bawmhnak tampi alut ding, bawmh a kan duhmi an um ko nain khamtu an um. Cu cu kan innpa ram pahnih India le Thailand an si. India le Thailand nih innka an kan onh piak ahcun ramdang bawmhnak hi tha tuk in kan hmu lai. Cu bawmhnak a khamtu ram India cu kan ton hna nain nihin tiangah cun innka an kan onh piak rih lo. Innka an kan on piak rihlo zongah kan kingh rih ko lai tiah a chim.
India le Thailand nih hin NUG hi an cohlang kho lo, aliamcia thil zohtikah India nih Min Aung Hlaing uknak thlak I NUG cu rampi cozah ah pom ding timi ah alung arak tling lo. Atu tiang ah India nih Min Aung Hlaing hramhram uknak a lakmi hi voikhat zong asoisel rih lo. NUG cozah a thawn khawhnak le mipi lungduh in a zohkhenh khawhnak dingah cun India hi a rak biapi tukmi asi ti Dr.Lianhmung Sakhong biachim mi nih alanghter ko.
Thawngdang, Min Aung Hlaing Nih Tlangcung Hriamtlaiphu Sawmnak Daihnak A Tuah Mi Phenah Theihter Nak, Hramhram in uknak a la tu SAC ralhrang Min Aung Hlaing nih ram piumpi daihnak caah tlangcung hriamtlai phu pawl i, hruaitu pawl he tonbiaruah sawmnak bia a chim hnu ah Tlangcungmi hriamtlai phu hna ralkap sakhan pawl kahdoh ti lo ding in April ni 22 ah SAC ralhrang nih cathanh an chuah.
SAC ralhrang Min Aung nih tonbiaruahnak sawmnak a tuah lio caan le ram daihnak kong tonbiaruahnak ngeih lo caan, caan kar lak ah SAC ralhrang ralkap sakhan, headquarters pawl cu kahdoh ti lo dingin SAC ralhrang nih theihter ralring peknak cathanh an chuah tiah theih a si. Nan kah doh a si ah cun a herh ning in dantat lehrulh nak kan i pek hna ti zong in cathanh ah an tial chih tiah theih a si. Crd-Khit Thit Media
Leave a Reply