Myanmar Tel In Ram 11 Ah Humanitarian Bawmhnak Finland Nih Pek Lai, Myanmar ram tel in Somalia le Congo tbk. ram 11 ah minung hawi zawnruahnak (humanitarian assistance) bawmhnak kan pek lai tiah Filand ram ministry of Foreign Affairs. nih April 13 ah an thanh. Ei awk a har mi ram pawl bawmh ding in timtuahnak an ngeih mi ah Myanmar ram zong ai telh ve nak hi a si.
Euro £ nuai 26 leng bawmhnak pek ding fund cu Filand ram chung i organization hna leng ah UN organization pawl, International Committee of the Red Cross(ICRC), Myanmar Red Cross Society hna nih an phawt zamh lai i fund pawl cu a dot dot tein a kal lai tiah theih a si. UN nih tukum ah Myanmar mipi nuai 6 leng bawmhnak pek nak ding caah $ nuai 800 leng a hau nain cu phaisa a herh mizat i 4% lawng bawmh nak a ngah rih tiah a chim. Cun Myanmar mipi hna zong nih bawmhnak phaisa pek cio ding in forhfial nak an tuah.
Potao Peng Ah Paa Eisual Ruang Ah Minung 4 An Thi, Kachin ramkulh, Potao peng ah a mah caankel si lo in ruahsuar hnu ah a khomi Paa eisual ruangah minung 4 an nunnak a liam tiah theih asi. Potao peng Sarkhuamdam(ဆာရ်ခွမ်ဒမ်း) khua a luancia April 10 ni ah Paa eisual ruangah ngakchia 2 an nunnak a rak liam cang tiah Sarkhuamdam (ဆာရ်ခွမ်ဒမ်း) khuami pakhat nih a chim.
” Cu ngakchia pahnih nih cun Paa chia (eilo ding Paa) a si an theihlo caah ramlak ah an lak i, cu an hmuhmi Paa cu a nu nih a chumhpiak hna, a nu telh in ngakchia he minung 3 cu Paa eisual ruangah sizung an phan i ngakchia 2 cu April 10 ah an nunnak a laim” tiah Sarkhuamdam (ဆာရ်ခွမ်ဒမ်း) khuami pakhat nih a chim.
Potao peng Phaikhai(ဖိုင်ခိုင်) khuami U Joseph Naw Si Doi nih a kawlmi Paa eisualnak ruangah a pi (a nupi nu) (kum-57)cu April 9 ah a nunnak a liam, A chungkhar minung 3 zong Potao siizung ah thlopbul an si. Siizung ah thlopbul an si lio ah U Joseph Naw Si Doi cu nizaan April 13 zinglei ah a nunnak a liam tiah theih a si.
Sibawi te nih an chimning ah cun Potao ah a caankel si lo in a surmi ruahti ruangah a khomi Paa cu eisualnak a chuakkhomi a si caah a tubantuk khuacaan i a khomi Paa eilo ding in ralrin peknak an chim. Crd- The Chin Post.
Ukraine cu Moscow i kahdohnak cu miphun cihmih bantuk a si tiah American president Biden nih a chim lio caan ah Russia lei zong nih kahdohnak cu punghman ning in pehzulhin kan i timh mi kan phak hlan tiang kan tuk ko lai tiah Russia president Putin nih a chim.
” Aw a si ko. Miphun cihmih a si tiah ka chim. Zeiruang ah dah a si ti ah cun Ukraine fa ka si ko ti mi cu Putin nih hnawn hna dingin aa timh, aa zaum timi cu hi nak in theih thluahmah a si cang i tette pawl zong tampi a um ko ” tiah U.S President Biden nih a chim.
” Miphun cihmih aa timh, miphun cihmih a si le si lo cu vawleicung huap biaceihtu sihni hna pawl cu biachah nak ka tuah ter hna lai. A si nian kei mah lei in cun miphun cihmih a si k” tiah Biden nih a chim chap.
Russia nih khua nu, khua pa pawl thah nawn dingin a timh hna timi cu an mah Russia lei nih a tu le tu in mah bia cu an cohlang duh lo, an hnawn i ral chung ah Russia nih mipi pawl thahhren in a tuah hna timi Ukraine le Nitlak lei ram hna nih an chim mi cu Russia lei nih an duh ning an herh ning paoh paoh in an chim phuan i leh nak an tuah tiah theih a si.
A sinain Russia ralkap pawl hnu lei ah an kir hnu ah Ukraine ram i thlang lei khuapi hna ah mithi ruak cu lam cungah tampi hmuh a si tiah theih a si. Russia ralkap pawl an chuah nak Kive khuapi pawng hrawngah mithi ruak cu 720 an hmuh tiah theih a si.
Leave a Reply