Myanmar Ram Buainak Cu Myanmar Mipi Hna Lawng Nih Biachahnak Kan Tuah Lai!! By Min Aung Hlaing
Ramkhel kongah, kan mah ramchung kongah , Ramdang an i telnak caan paoh ah rampi daihnak timi hi a hartukmi a si tiah May thla ni 12 , Nay Pyi Daw ah tuah mi SAC ralhrang tonbiaruahnak ah SAC ralhrang lutlai Min Aung Hlaing nih a chim. ” Myanmar ram kong buainak cu Myanmar mi hna nih biachahnak kan tuah lai.
Ramdang, ramdang hna an i tel ve i, biachahnak kan tuah lia, tuanvo kan laak lai timi cu a si kho lo mi a si ( Myanmar Buainak kongah ramdang mi tel a herh lo). Myanmar ram buainak cu Myanmar mi hna nih biachahnak kan tuah lai. ” tiah SAC ralhrang lutlai Min Aung Hlaing nih a chim.
A tu ah mah thazaang he mah lawng nih congah ding biaruahnak ngeih hnu ah kal duhnak poah ah kal, mipi nih kal duhnak ramkhel timhlamhnak hmuitinh cu kan phak hlan lo tiang kan kal lai ti zongin phu chungtel tuanvo ngeitu hna nih an chim chih tiah theih a si. Ram daihnak he pehtklaiin,
NCA ah min a thut ciami phu 7, NCA ah min a thu rih lo mi phu 3 an rak kai lai i, a tu ram daihnak ceihmainak ah a tlingmi a phi pakhat chuah ter dingah tuanvo kan lak lai.” ti zongin SAC ralhrang Min Aung Hlaing nih biakamnak a peek hna tiah theih a si. ” Mah ram daihnak ceihmainak cu tlam a tlin lonak a ruang a um lo tiah ka hmu.” ti zongin Min Aung Hlaing nih a chim.
Relchap, Nun lio ah i dawt le i hlam i theih hi a sunglawi.Hriam kan tlai kan ral kan doh, kan nun lio tu ah i sunsak le i upat le i dawt hi a sunglawibik, dar bang kan kuai hnu ah i hlam le a sangbik upatnak kan pek tibantuk le kan dawtnak kha dar bang kuaihnu ah langhter cu kan dawitmi kan Upatmi caah that hnemnak a um lo.
Kan nun dam lio ral kan tuk lio tu ah kan daw ulaw kan hramh koh u! Zeihmanh nih cawk khawh lo mi kan nunnak kan pek i siangtein a liamcia kan hawi le nih an pek bantuk in nan dawtnak langhter u siangtein thawhlawm thawh u.
Nun dam lio ah i dawt hi Pathian zong nih a duhmi a si. Lo kan thlawh ah meh a um lo ahcun rawl kan ei kho lo i rian kan tuan kho lo, Cubantuk in uico doh ding ah rawl tha ei kan herh rawltam pawtam bu in kan do kho lo kan paw nih a kan donh cucaah tei kan duh ahcun kan tei a mak deuh cio a hau. Crd-Salai DK
Relchap, I ngan ta ti lo in NATO ah luhnak ka sok lai, tiah Finland nih Thursday ah khan a chim. Sweden nih zulh awh a si ve. A ruangbik cu. Russia nih Ukriane a luhhnawhmi zoh tikah, Western military alliance a thanchomi hi Putin nih kham ai tim cang, tiin an hmuh caah a si. Cold War chung vialte a neutral ah a um peng tawnmi Nordic ram pahnih a tu bantukin baichahnak an tuahmi nih hin European security kongkau i kum tampi chung i a nganbikmi ithlennak pakhat a hung si. Finland thawngthanhmi nih Kremlin a thin a hunter i, Russia nan kan hrocer bia a si, ti lei in ai lak. Lehrulhnak tuah a timhmi kong belte fiangin a langhter lo.
Ukraine i Russia pawl ceilak in an sungh thanmi thawngpang a thang le cangka a tu bantukin thawngthanhnak an tuah hi a si. Kharkiv khuapi velchum in Ukraine ralkap nih Russia ralkap an dawi hna. Cucu a liamcia thla 1 lio i Kyiv in Russia pawl an dawi hna hnu ah tutan hi a nganbikmi hlawhtlinnak pakhat a hung si ve, an ti. “Finns ram pahnih hi lunglawmtein kan cohlan hna lai. Tluangtein le khulrangtein chungtel an si khawhnak lai a lam kan serpiak hna lai,” tiah NATO secretary-general Jens Stoltenberg nih a chim.
EU in NATO chungtel si ai ba rihmi ram nganbik pahnih ah hin Finland le Sweden hi an si. Findland ram hi meng 800 a saumi a ramri hi US led alliance le Russia karlak an ramri nakin a lethnih in a saudeuh i, NATO guards pawl hi St Petersburg a lenglei in suimilam tlawmpal mongh ah khin an um.
“Finland nih hin i ngang ta lo in NATO luh a sok hrimhrim awk a si. A ra laimi ni tlawmpal chungah hin a dang ram pawl zong nih hi bantuk karhlannak le biachahnak hi a ran khawh chungin vun tuah cio hna seh, ti kan duh,” tiah President Sauli Niinisto le Prime Minister Sanna Marin nih an chim. Finland NATO ah a luhmi nih hin Russia hi direct in a hnuarsuang lai maw? tiin Kremlin spokesman Dmitry Peskov, “Hnuarsuang tuk. NATO nih a chungtel a karhtermi nih hin kan Continent hi a daihter deuh in a himter deuh hrimhrim lo,” tiin a leh hna. “Hi nih hin kan thin pawh lo in a um lai lo. Hi lei in ning le cangtein lehrulhnak kan tuahter lai nak a ruang a si te lai. A liamcia caan ah khan Baltic Sea ah Russia nih a nuclear missiles tunh a timhnak kong a chim bal.
‘Thlanglang vun i Bih’ “Finland NATO nan luh ruangah Russia a thin nan phok lai maw? tiin Niinisto an hal i, ‘Hihi nangmah nih a chuahtermi buainak a si hih. Thlalang vun i zoh,’ tiin Russia hi ka leh te ko hna lai,” tiin a leh hna. NATO nih an ram hnih ningtein khulrang tein chungtel ah an cohlan hna lai, tiah diplomats le officials 5 nih Media ah an chim. An ram hnih in kilven an hauh te lai caah, cu ti cohlan an si kum khat chungah Nordic hrawnghrang ah ralkap pawl tamdeuh in chiahkhawhnak lam a um te lai, ti asi.
NATO nih a chungtel miluzat karhter ai tim, tiin ka ruah caah a tu bantukin “special military operation’ timi min bunh in February ah Ukraine ka luhhnawhnak hi a si, tiah Putin nih a chim.
Ukraine zong NATO luh a duhnak hi a sau cang. Asinain, nai cem i Russia he remdaihnak an ceih ah khan cun a karlak (neutral) ah um ai thim deuh than cang. Kannih tham cu irunvennak a kalpi ceu kan si. Kan chungtel ram pakhat doh cu kan dihlak nan kan doh bantuk a si, timi biakamnak ai sermi phu kan si. Cun, a nuclear hriamnaam telh chih in Washington nih a superpower i hman i a ramdanghawi pawl kilvennak nawl a petu phu zong kan si, tiah NATO lei nih an chim. Cucu kan himnak a hnursuangtu thil le kan raminnpa pawl uk le pen duh bia rumro ah kan ruah, tiin Moscow nih a chim. Asinain Putin nih Ukraine a luhhnawhmi hi Nordic ram pawl an ruahnak tampi a thlentertu a hung si. Chan tamtuk chung a lai (neutral) ah a um pengmi ram pawl nih a tu ah cun Russia hi tihnung ram ah an hmuh cang.
Russia thladem tang i Finland nih harsatnak a ton hi kum zabu tampi a rau cang. 1809 in 1917 tiang Russia Empire nih Finland a uk. WW2 ai thawk in khan Soviet nih an luhhnawh than hna i, Cold War i itel ve an duh lo caah Soviet uknak cu an cohlan. 1995 i EU ah Sweden he an luh hnu khan, Western ram pawl he cuhlannak fek deuh in pehtlaihnak an ngei hna. UKRAINIAN COUNTER-ATTACK , Nai hrawng cu ral a linhsatnak hmunhma ah Ukraine nih counter-attack a tuah khawh ngai i, Kharkiv in chaklei le nichuah lei ah a ummi Russia pawl cu an dawi khawh hna.
Kharkiv in meng 25 hlat ah a ummi Siverskiy Donets River tiang Ukraine nih hmunhma a lak khawh than cang, tiah Reuters thawnglatu nih fehternak an tuah. Chaklei zongah Russia he ramri lei pi tiang Ukraine nih an nawr khawh hna. A nehhnungbik hlawhtlinnak an hmuhmi cu, Pytomnyk khuate zong Wednesday ah khan an lak khawh than cang, ti a si. “Ukraine mipi nih an ralkap pawl an bawmchan lem hna lai lo, tiah Russia lei nih an ruahnak khuapi pawl Russia nih a tak in a lak khawh lo zia, tutan Kharkiv an lak khawhlo mi nih fiangtein a langhter,” tiah British defence ministry nih a chim.
Kharkiv velcheh i kan Ukraine ralkap pawl hlawhtlinnak hmu kho ti lo dingin Russia nih heh tiah a ralkap pawl hmunkhat ah a pumh cuahmah hna, tiah Ukraine general staff nih a chim. Cu tikah ral a tu cuahmahmi Russia ralkap pawl cu Siverskiy Donets an tan cang.
Russia nih Kharkiv an zamtak in cun, a kiangkap khuate ah mipi an kir than kho cang, cun zam lo in a tangmi hna sin zongah zaangthleicawi pawl nih bomhnak an pek khawh cang hna. Asinain, a him cu an si ruam rih lo – mine le IED in an khat i, Russia kahkhawhnak kulh chungah an um ko rih an ti.
Kan kal i timhnak hmunhma a si mi Russky Tishky le Tsyrkuny cu Thursday ah khan Russia nih bomb in heh tiah a phomh than cang, tiin thawngpang kan theih caah kan i let, tiah Russia kut chungin an lak than cangmi khuate i vung kal i bomhnak pek ai timmi zaangthleicawi phu pawl nih an chim. Ukraine nih Kharkiv a lak khawh ruangah hin, Ukraine miakpi nih a phak khawhnak ah a ummi a cheukhat Russia hriamnaam an chiahnak hmunhma hi kah khawh an si cang lai, tinak a si. Cun Russia ram a chunglei tiang hmanh khi duh tawkin a kah khawh cang lai. Ramri ah vanlawng in khat le khat an i kap, tiah kaphnih nih thawng an thanh. Russia khua Tyotkino in ral hmunhma velchum cu bomb in kan kah hna, tiah Ukraine officials nih an chim. Belgorod ah a ummi Solokhi cu Ukriane nih an khenh, tiah Russia nih a chim. Moscow nih a hleice in a kahmi eastern Donbas pengkulh chung um Kudryashivka le Sievierodonetsk lei panh in Russia nih hlawhtlinnak an hmu ngai ve, tiah Ukranine lei nih an chim.
Leave a Reply