Myaing ah ralhraang pawl bomb puah an tong i 23 an thi Magwe ramthen, Myaing peng ah ralhraang pawl cu Myaing PDF le Pouk peng in phu nih bomb in an puah hna i ralhraang 23 an thi tiah Myaing PDF nih an thanh. December 21 ah Pouk- Myaing ramri ah kahdohnak a chuak i Kanpyu lam ah bomb kan puah hna ca ah ralhraang 5 an thi. Pouk-Zepya lam in a ra mi ralhraang motorcyle panga le motor pakhat in minung panga an thi.
Motorcycle panga le kuan zeimaw zat kan lak tiah an thanh. Yuasin lam ah ralhraang 100 hrawng cu bomb in an puah hna i pathum an thi, hliam tuar tampi an um tiah kan theih. Zaanlei sang ah, zing i bomb kan puahnak Zepya lam cung ah bomb a taang mi pawl a fimhlawm lio mi ralhraang hna cu bomb in kan puah than hna i Officer tel in pahra hrawng an thi. Officer pa nih bomb cu khuaruahhar in a zoh lio ah an puah hi a si tiah kan theih. Ref: Khit Thit Media
Siaha Ralzam Bawmhnak! Myanmar ram buai ruangah ralzam in Siaha khuapi ah aa dor mi hna caah Myanmar Refugee Relief Committee-Mizoram(MRRCM) nih bawmhnak an pek. Bawmhnak hi thilri, hnipuan le ihphahpuan phunphun, 407 motor truck trip khat a si. Hi bawmhnak hi Siaha District chung ralzam hna sin a herhning in phawtzamh a si lai, tiah Myanmar Refugee Relief Committee-Mizoram (MRRCM) nih anmah FB page ah an langhter.
Leave a Reply