Myanmar Ram Chungah Inn Le Lo A Chuak Tak Mi Ting 9 Leng An Si Cang Tiah UN In Chin Nawl Ngei Tu Dujarric Nih Theihternak A Tuah
Kawlram chunagh nichuak chak lei le nitlak thlang lei ah a tu lio ah a cang cuahmah mi kahdohnak ruangah khuanu khuapa pawl harnak an tong hna tiah Myanmar kongkau UN phu nih an chim phuan nak kong cu VOA thawngzamh nih theih ter nak a tuah.
A luan cia mi February thawh in a cang mi kahdohnak ruangah inn le lo a chuah tak cuahmah mi minung 560,000 leng tel in ram pumpi in inn le lo a chuah tak mi nu, pa le hngakchia miluu 9,000,00 leng an um tiah a chim.
Myanmar ram chung in minung 35,700 hna cu ramdang ramri lei ah an tlik nak kong, UN in har tong mi pawl he pehtlaiin riantuan tu UNHCR nih a dohhlat i UN in Secretary General chim nawl ngei tu Stephane Dujarric nih New York ah a um mi UN zung thawngzamh thianhhlim nak ah a chim tiah theih a si.
Kawlram Democracy Hmuhnak Dingah American Nih Kan Bawmh Hrimhrim Lai Tiah Ramdang Pehtlaihnak Vuanci Nih Chim Nolh!
Mizapi dihlak i tel kho dingin a thar in tuaktan dingin siseh a fekmi remdaihnak hmuh khawhnak ah American nih bawmhnak pek dingin biachahmi cu fek tein kan dirpi tiah ramdang pehtlaihnak vuanci nih a chim. Kawlram kum thar ah hin Kawlram mipi dihlak cungah thlawchuahnak a thar in tlung hram seh tiin American ram aiawh in ramdang pehtlaihnak vuanci nih a chim. Atu bantukin rampi buai caan le harsatnak ton caan ah Kawlram mipi dihlak caah lungthin chungin a chuakmi dawtnak thlumal kan in chanh hna tiah a chim chih.
Ralkap nih rampi nawlngeihnak an laak hnuin Kawlram mipi hna nih ruah khawh lomi harsatnak le fahnak hna cu nan pahtlang hna i, SAC ralhrang ralkap ralchanhnak ah fimhleikhun taktakin siseh nan ralthatnak cu nan langhter tiah a chim chih.
Cupinah American cu Kawlram mipi he hmunkhat ah kan umti peng bantukin hmailei zongah kan in dirkamh hna lai i, nawlngeihnak latu hna nih an tuahmi vialte ningin anmah nih an zuun hrimhrim lai, an ing hrimhrim nakhnga biatak tein kan i zuam rih lai tiah a chim. Crd: People’s Spring
U Tyi Zah Chungkhar Ngeihmi Harry’s Bar Ah Bomb A Puak! Myanmar Plaza ah U Tyi Zah chungkhar ngeihmi Harry’s Bar ah April 11 zanlei sml 4:30 hrawngah bomb a puak tiah hmutu nih an chim. Thlalang an kuai, sihmanhsehlaw innchung ah a ummi minung cu ahohmanh hliam tuarmi an um lo tiah hmutu pakhat nih a chim. Harry’s Bar cu Singapore hrambunh company pakhat a si nain Kawlram ralkap ralhrang caah hriamnam a cawkpiaktu U Tyi Zah chungkhar ngeihmi a si.
Harry’s cu SAC ralhrang ralkap he aa pehtlai ruangah bomb an puahmi a si ko lai. Bomb a puah lecangka in palek ralkap nih lam phih hratin checking an tuah tiin Yan Kin ah a ummi pakhat nih a chim. Yangon khuapi chungah pehzulh in bomb a puak lengmang tiah an chim. Yangon khuapi ah SAC ralhrang ralkap nih checking an tuah ko buin bomb a puak hi a si. Mipi vengtu ralkap hna nih SAC ralhrang ralkap hmuitimh in Pyauh Kyar system bakin biatak tein kahdohnak an tuah.
Leave a Reply