Myanmar Hrambunh A Si Mi Lisu Party Le Chinese Communist Party Ton Biaruahnak An Ngei
Lisu National Development Party ( Duu Lay Party) president U Shwe Min cu tuni chun lai ah Central Committee of the Communist Party of China, Department of International Affairs, Director of Southeast Asian Affairs a si mi Mr. Zhao Qiang a phu pawl hna he online in biairuahnak an ngeih nak kong cu Lisu Party in theihternak an tuah.
Mah ton biaruahnak ah Lisu National Development Party le Chinese Communist Party kar ah pehtlaih nak a that khawh nak hnga , China-Myanmar pehtlainak lei , China ram ah tlaih a tong mi Myanmar ram mi kong kau , ram chung daihnak kong kau, Ramri a that lonak kong kau kong le chawleh harnak kong kau ah ton biaruah nak an ngei tiah theih a si.
Thantlang khuachung kahdohnak ah CDF pakhat nunnak liam pakhat hliamtuar, 2022 April 12 zaanlei suimilaam 2:00 hrawng in CDF ralkap le SAC ralhrang karlak ah kahdohnak a chuak i minung pakhat nunnak a liam pakhat hliam a tuar tiah thawng kan theih. Atu a nunnak a liammi hi Salai Tum Kio a si i SAC ralhrang hna nih JMBC biakinn pawng ah Sniper in an kah i a nunnak a liam hi a si. Cun, hliam a tuarmi Salai Piak Peng zong Sniper in an hliam mi a si tiah kan theih.
Hi kong he pehtlai in, “Nihin zaanlei sang in kahdohnak a chuak. A tam deuh cu sniper hman a si. An sniper in Salai Piak Peng hi 2:30PM hrawng ah a khup an hliam. Cun, suimilaam 6:30PM hrawng ah Salai Tum Kio hi JMBC biakinn pawng ah an kah ve i a nunnak a liam,” tiah min langhter duh lo pakhat nih a chim.
Kalay-PDF Leiin Ngaihchia Tuk Asi Mi Thawngpang Kan Theih E, A Poi Tuk Hringhran Ko Mu, Kalay-PDF In Thangpuia SAC Ralkap Nih An Tlaih! Kalay-PDF battalion 2 sakhan cu nihin April 12 ah nawlngeihnak latu SAC ralkap nih luhhnawh in an kah hna, tiah theih a si.Mizapi vengtu ralkap sakhan kahdoh an tonnak hmun ah PDF bawmtu ding ah a kal mi Kalay-PDF 2 cu SAC ralkap nih an kah hna caah PDF pakhat cu a nunnak a liam i, Kalay-PDF in Thangpuia zong tlaih a tong, tiah theih a si.
PDF-Kalay sakhan kap ding in SAC ralkap hna cu Chin ramkulh lei in ke in an kal, tiah theih a si. Kalay-PDF battalion 2 sakhan cu caan karlak PDF-Kalay nih an kaltak chung, tiah theih a si. Pakkokku Ah SAC Ralkap Nih Miinung 5 An Tlaih Hna: Magwe ramṭhen, Pakokku No. 11 sang No. 18 lam ah a um mi inn pakhat ah aa ṭhum mi pa 5 cu SAC ralkap kuttang hriamtlai phu nih an tliah hna, tiah theih a si.
Tlaih a tong mi hna hi “SAC uk duh lo langternak ah nan i tel” ti in nihin April 12 zing Sml 8 ah an tlaih hna. Tlaih a tong mi hna cu Ko Han Phyo Aung, Ko San Aung, Ko Myo Myinh U, Ko Hlaing Moe Zin, Ko Win Thein an si i Pakokku pengkomh Myaing peng Bahin(ဗဟင်း) khua mi an si, tiah theih a si.
“Myaing peng thawngpaang a ṭhat lo ruangah Pakokku ah chikhat ral a zaam mi an si i sualnak ngei lo an si nain an tlaih hna. Duhlonak a langtertu tlaih dih ding a si ahcun mipi vialte hi tlaih kan si dih cang hnga! Atu an tlaih mi hna hi cu case ser piak an duh hrimhrim caah a si,” tiah Pakokku ah um mi pakhat nih a chim.
Tlaih a tong mi minung 5 cu khoika ah kan kalpi hna theih a si rih lo. Pakokku peng ah atu chung hrawng hi SAC ralkap nih mipi atu le tu an tlaih hna, tiah a chip chap.
Leave a Reply