Ritthaisii A Hmang Mi Myanmar, China Le Thai Minung 16 An Tlaih Hna
Thai ram, Pattara khuapi ah a um mi, Chawhlehnak company pakhat nih sak mi building pakhat ah a um mi room pakht cu Thai polices hna nih April ni 30, zing leisang ah an vah luh hnawh i China-Myanmar mi tel in minung 16 cu ritthaisi he kan tlaih hna tiah Thai polices phu nih an chim.
Bang Lamung pengkomh, Nong Prue ah a um mi ah a um mi mah buiding pakhat ah Malit ( hmehnak) party puai a tu le tu in tiuah a si nak kong, khuami hna nih chim phuan nak in nawl ngeitu cozah polices phu hna nih zing lei suililam 4:30 hrawng ah an va luh hnawh hna tiah theih a sii.
Mah an va luh hnawh hna lio ah ritthaisii an hmang in, party puai a tuah mi China mi minung pa 8 ( pa phnga le nu pathum) , Myanmar mi paruk (Pa pakhat le nu panga) le Thai nu pakhat tel in minung pa 16 an tlaih hna tiah theih a si. Polices phu hna nih mah party a tuah mi pawl cu ritthaisii he an tlaih hna tiah theih a si. An tlaih mi hna pawl cu dantatnak peek dingin an zohfel hna lio a si tiah theih a si.
SNLD Chairman Hlun Khun Thun Oo A Nunnak A Liam, Shan Nationalities League For Democracy(SNLD) party hruaitu hlun Khun Thun Oo cu, nihin April 30 zanlei sml 1:00 hrawng ah Yangon a umnak inn ah a nunnak a liam, tiah theih a si. Kum 79 A si cangmi Khun Thun Oo cu 1988 lioah SNLD party a rak hruai i 1990 thimnak ah Tipaw peng in teinak a rak hmu. 2005 ah Na Ah Phah(နအဖ) cozah nih rampi dohdalnak ruangah kum 90 thongthlak ding bia an rak khiah nain 2012 January ah a luat ṭhan.
SNLD party cu 2015 zuamnak ah meekuang hmun 40 lengah teinak a rak hmumi an si. Khun Thun Oo a thih cu SNLD party le Shan miphun caah sungh zatlaknak ngan pi a si ko, tiah SNLD chimnak nawlngeitu Sai Laih nih a chim. “Shan ramkhel ca ah cun sungh zatlaknak fak ngai a si. Khun Thun Oo nih Federal rampi ser nakding ah rianhma a lim manh lomi hi chanthar mi hna sinah a chiah tak cang. Shanram chung a ummi nih zeitik hmanh ah kan philh lai lo. Shan ram ramkhel, Federal rampi ser nakding ah kan i zoh thla tukmi kan pa a si, tiah Shan mi pakhat nih a chim.
Leave a Reply