Magwe Ramthen, Myaing peng ah SAC ralkap caah eidin an cawk an tin lei ah PyoSawHti hna cu kah an tong i 3 an thi tiah Myaing PDF nih an thanh.
June 18 zanlei Sml 1:00 hrawngah Myaing peng, KaanNi khua ah umhmun a khuarmi SAC ralkap le PyoSawHti hna caah eidin a caw mi PyoSawHti 4 an i cit mi HIJET mawtaw rang cu KyaungKone khua pawng ah kahdoh an tong tiah Myaing PDF nih cathanh a chuah.
PyoSawHti hna an i tel tiah thawngfing kan theih caah kan bawh i kan kah hna, PyoSawHti 3 an thi i a tangmi pakhat zong hliamfak a tuar tiah Myaing PDF nih an langhter.
Cu kahdohnak kong he pehtlai in Myaing peng mizapi vengtu ralkap kan pehtlaih ko hna in a kan let rih lo tiah people’s spring nih a langhter.
June 18 ni zongah Myaing peng mizapi vengtu ralkap Battalion 1 le Galon ralkap phu hna i bawm in ral veng an i chawh dih in an tin lei ah KianTawMah palik sakhan um palik le SAC ralkap hna cu bomb puah in an doh i 5 an thi, 1 hliamfak tuar tiah Myaing peng mizapi vengtu ralkap phu nih cathanh an chuah. Cred : The Chin Post
Leave a Reply