Myaing khua ah bomb puah hnawkkakin mipi ceilak an thi

Ralhrang Nih An Kulh Dih Caah Myaing People Defense Force (2) Hna Cu Anmah Le Anmah Bomb An i Puah Hnawh!
=========
Ralkap Ralhrang Rual Nih An Kulh Dih Caah Myaing People Defence Force Pahnih Hna cu Bomb i Puah Hnawhnak in An Nunnak A Liam!

Myaing peng chungah ralkp ralhrang ralkap nih kahdohnak tuah in an kulh dih hna caah Myaing Peole Defense Force pahnih hna cu bomb hmangin anmah le anmah an i puah hnawh tiah Myaing People1 Defence Force nih mipi sinah theihternak cathanh an chuah.

Nihin January 10 zinglei caan ah nawlngeihnak latu ralhrang ralkap nih thazaang 400 hrawng in khua chung ahcun kahdohnak an tuah tiah theih a si.Cucaah mipi vengtu phu he hmaiton in kaphnih kahdohnak a chuak tiah Myaing PDF nih an chim.

Myaing peng chung thlenglei Kaing Taw Mah lamah ralhrang ralkap sawmnga (50) hrawng, ni tlaklei sang Ba Hin lamah ralhrang ralkap zakhat (100) tluk le ni tlaklei sang Min Taa Ciah lamah ralhrang ralkap sawmriat (80) tluk nih kahdohnak tuah in ram chungah luhhnawhnak an tuah.

Asinain Ba Hin lam lei Ta Ke Kan khua pawngah Myaing People Defense Force pahnih hna cu ralhrang ralkap rual nih an kulh dih cang caah bomb hmangin anmah le anmah an i puah hnawh tiah Myaing People Defence Force nih fehter in cathanh an chuah.

Zanlei suimilam 3:00 tluk ah a si tiah theih a si i, atu caan karlak thil sining he pehtlai in chim a har ngai. Nawlngeihnak latu ralhrang ralkap nih biatak tein kahdohnak a kan tuah tiah Myaing People Defence Force phu ah tuanvo ngeitu pakhat nih a chim.

Myaing People Defence Force nih nunnak a liammi ralkap pahnih, pasaltha hna cungah upatnak zong kan pek hna tiah an langhter chih. Atu caan karlak kahdohnak kong he pehtlai in mipi hna nih nawlngeihnak latu ralhrang ralkap he a hlatnak le himnak hmunah nan um nakhnga theihternak he zangfah kan in nawl hna tiah an langhter.


Ref: People’s SpringRalhrang

Be the first to comment

Leave a Reply

Your email address will not be published.


*