Mungyua ah a um mi sianguk pensen U Tin Myint Soe chungkhar cu ralhrangbu nih PDF nan bawmh tiin an chungkhar ningin June 21 ah khan an tlaih.
Sayaci U Tin Myint Soe te chungkhar hi ralhrangbu nih mei he an khangh piak mi Kinma khuami bawmhnak caah hruk-eih le eidin bawm dingin an timhtuah lio June 21 zan 11 hrongah ralhrangbu nih PDF bawmh nan timh tiin an tlaih hna.
Kinma khua meikang tanpinak caah tiin hngakchia hruk-eih, phanat, Ngachauk le facang hna bawmh dingin an sanh lio ah ralhrangbu nih an fanu kum 4 mi telin an tlaih hna. MRTV ah PDF bawmh an timh caah kan tlaih tiin an thanh tiah Mungyua khuami pakhat nih a chim.
An tlaihmi minung 8 an si. U Tin Myint Soe te chungkhar hi 6 an si i, midang 2 hi an chungle an si tiah theih a si.
An fanu kum 4 mi cu an thlah than cang nain midang 7 tu cu an thlah rih lo tiah theih a si.
The Chin Post
Leave a Reply