MuiDawh Pum Rua Tha tum Mi Kan Hero Nih Ram Caah Nunnak An Pek Than e

SAC Ralhrang Vanlawng Kahnak ruang ah PDF Ralkap 3 Nunnak Liam – Nihin December 25 ah a cangmi Kayin ramkulh, Lay Kay Kaw kahdohnak ah SAC ralhrang nih Fighter vanlawng in an kah hna caah PDF ralkap 3 an nunnak a liam. A nunnak a liammi hna cu Ko Maing, Ko Ye Htet le Ko Cung Du an si. Burmese

Sagaing ramthen YeeOo peng Yemyait khua ah ralhrang phu hna nih December 20 ni ah helicopter he an kah hnu ah nihin December 24 ni ah miruak 7 hmuh an si. Kum upa cangmi tar nu pakhat cu a kee a kiah caah tli kholo in nithum chung rawl eilo in a ihnak ah a ummi cu khuachung mi nih an hmuh tiah theih a si. “Kan hmuhmi miruak hi pa 3 le ni 2 ruak an si, cu hnu ah minung 2 ruak hmuh than an si.

Meikhangh mi nu ruhro zong hmuh an si, dihlak ah hmuhmi ruak hi minung 7 ruak an si, cun tar nu pakhat cu kee kiak in ihnak ah rawlei lo in nithum chung aummi cu kan hmuh” tiah khuami pakhat nih a chim. Khuachung ummi inn zuat satil hna zong ralhrang kuan in hliamhma an tuar, rawl pe tu zong an um lo caah der ngai in an umhna tiah theih a si.

Sagaing ramthen ah December 20, YeeOo peng Yemyait khua cun December 21 ah Tanhsee pen Laitchain khua, December 22 ah Gyunhlahpeng Kazuninn khua hna cu ralhrang phu nih helocopter he van lei in an kah hna leng ah ralhrang minung thazaang tampi a chap tiah khuami nih an chim. Khit Thit Media

Taninntarri Ramthen, Myinth-Tharwai lam cungah khualtlawng citmi motor cu nihin zing suimilam 4:00 ah Ralhrang nih an kah hna. Motor maung tu pakhat a thi i khualtlawng aa citmi pathum hliamhma an pu tiin khuami pakhat nih a chim. “Khualtlawng phurtu motor hmai ah pakhat khat a puak i mah hnu ah Ralhrang nih meithal in voi 10 thluk motor cu an kah.

An kah mi motor hna cu Yadana Toe, Mandalar Min le thilphawr motor an si. Thilphawr motor maungtu cu an kah nak ah a thi colh. Mandalar Min motor maungtu zong an khen ve, a hliamhma a fak ngai. Yadanar Toe khua mi pahnih an khen ve hna” tiin khuami pakhat nih a chim. “Ralhrang nih an kah hna nain PDF kahmi phun a lo ding in an i tim. PDF lei nih cun khualtlawng cit mi motor cu zeitik hmanh ah kan kap bello tiah an chim ve.

Be the first to comment

Leave a Reply

Your email address will not be published.


*