MP ai cuh te ding mi, a bawh bak in thut hmun ten a rak bawh mi pawl kha nan i ralring bak hau.

Dothlen nak hram ai thawk bak in, Mino tete zoh tik ah tampi kan lung ai rual tuk. Nan nih kan nih ti um lo ten Ram caah kan tuan ti hna. Ram tang ah, Changreu pakhat te nei zong ah kan i cheu hna. Hnah pakhat ah rawl kan i hrawm hna. Mah tluk kan lung ai rual cang mi hi, Dothlen nak a dih tik ah, Ka Fim ka zaa a ti mi hna le Upa cheu khat pawl nih nan kan hrawh than sual lai ti hi phan um ngaingai.

Mino thinlung ah Miphun thencheu nak a chuah pi ding mi bia le hla cu chim lo hram nan kan zuam piak lai kan sawm hna. Mi cheukhat cu Tuanbia si lo ning in chim i pa khat le pa khat huatnak a chauh tar tawn. A si kho ah cun, a luan cia mi tuanbia kong ah i thencheu nak a chuahpi tu tuanbia hman mi si zong ah chim lo ten um ah tha ko.

MP ai cuh te ding mi, a bawh bak in thut hmun ten a rak bawh mi pawl kha nan i ralring bak hau. Nanka naal tuk ti hlah seh. Mino hna zong nih, hmai lei ah a hman lo mi hrui tu Upa cu do peng ding. Kan lung aa rual nak hrawk tu ding si mi cu thianh peng hna ding si ko. Kan lung aa rual hnu lawng ah Mi phun dang nih an kan Upat lai.Credit-Jasper Lal Lian HC

Nov 13, nizan ah Magway ramthen, Natmauk market cu a kaang i dawrkhan 200 renglo hna cu an ciam dih tiah theih a si. Hi market kanghnak ahhin khuami hna nih ralhrang tanhtu pawl kutneh a si lai tiah an zumh. Meikangh hi zaan 9:30PM hrawng ah aa thawk i suimilam pakhat tluk a kang, market i cheu li ah cheu thum cu a kaangh dih. Zaan 11:30PM hrawng lawngah mei a dai tiah theih a si.

Khuami pakhat nih cun “Ram pumpi ah NLD zung tampi bomb an puah hnawh i an hrawh. Nizaan ah khan Pohpa ah a ummi Daw Khin Gyi Foundation training sianginn zong mei a kang. A thaizing ah atu kan khua Natmauk market a kang. A kangh caan hi hohmanh a leng chuah a ngah lo caan, leng chuah an kham caan a si. A kaangmi market hi anmah ralhrang tanhtu nih an hngah mi a si. Natmauk cu NLD lawng kan um nak khua a si.

Mah Caah hramhram in market hi an khangh mi a si. Phundang cun NLD lawng a tanhmi khua an hrawh ti khawh a si” tiah a chim. Natmauk khua a ummi meithat zungah market a kanghnak a ruang an hal ko hna nain a kanghnak a ruang tha tein an chim duh lo. Meithat zung riantuan pakhat nih cun “ Dawrkhan 200 nak tlawm lo mei nih a kangh. A rawkmi dihlak a man tuak ah a tlawmte lo. Mei kaanghnak ruang cu kan thei kho rih lo. Kan hlat lio a si” tiah a chim. Ref: Khet Thit Media