Motor 80 Dengin A Rak Kai Mi Ralhrang Cu CDF Nih An Kah Hna I tam taktak an Thah Hna

Tuni Mindat-Matupi kar i kahnak ah Ralkap 10 tluk an thi, CDF-Mindat in pakhat nih a nunnak a pek i Pahnih hliamhma an pu Matupi in Mindat lei ah a kir tthan mi tank pahnih le ralkap motor 75 cu CDF-Mindat nih Mindat-Matupi kar lam hmunkhat ah an kah hna.

Cu kah nak ah cun Ralkap 10 tluk an thi i hliamhma pu mi an tam. CDF-Mindat lei in Pathum an hliam i pakhat cu a hliamhma a ngan caah a hmun ah a nunnak a liam. A dang pahnih hliamhma cu thinphan ding a um lo tiin CDF-Mindat chimphuan nak nawl ngei tu pakhat sin in kan theih. Source – CDF MINDAT SPOKESPERSON

Sagaing ramthen, Kalaymyo tlanglei meng 11 ahlat nak um Natt Chuang Hee Luh Chuang Khuah khua hna ah ralhrangbu hna nih hriamngan in khua chung an kah caah khuami an zapi titluk in an zaam dih tiah kan theih. Tuzing zinglei ah khua chung hriam ngan in an kah caah inn a khen i nu pakhat a thi.

“Khua chung nu pakhat hriam ngan an kah mi nih akhen i a thi ti cu afiang , khua ah a zaam kho lo mi kum upa deuh cheukhat an taang, hliam atuarmi hna an tam kho . Khua cu kir than ding ahar caah thil sining fiang tein chimh a har “ tiah khuami pakhat nih achim. Natt Chuang khuachung ah hriamngan kuan nih akhen i hliam atuarmi mipi atlawmbik 3 an i hliam.

Khua chung mi hliam a tuar mi ala tu ding ah a ra mi mawtaw hna zong ralhrang nih hriamngan in an kah hna caah mawtaw mawng pahnih kuan nih a khen ve hna. Kalaymyo thlanglei , Kalay – Gangaw lam chung ah nizan November 2 ni thok in ralhrangbu nih rallam an thok caah mizapi Ralkap phu he kahdohnak a fak i ralhrang nih khuachung ah hriamngan le hriamhme he an kah len hi a si. Ref: Khit Thit Media

KSCC nih Kayah ( Karenni ) Ramkulh Ngandamnak Committee An Dirh: Kerenni Ramkulh Ruahnak petu Council nih Caan karlak Ngandam nak Committee an dirh tiah kan theih. Lakhruak in caan karlak ngandam nak lei i zoh khenh nak phu kan dirh, NUG ngandam nak lei zung hna le CDM Siibawi te he hna i bawm in hmun khat ah rian kan tuan ti lai,

Kayah (Karenni) ramthen ngandamnak lei in aherhmi hna cu bomhchanh kho ding in Karenni ramkulh ruahnak pe Council ( KSCC ) nih ngandamnak committee cu kan dirh tiah 2021 November 2 ni ah cathanh an chuah.