Zumhnak fek taktak in Pathian a biak mi hna caah cun, Pathian thil tikhawh nak a lang tawn ko. Kan nih Chin mi zongah man bantuk zumhnak fekmi pastor kan herh ngai ngai ko. Moses bantuk in mipi a hruaimi hna caah damnak asi mi pathian riantuantu tha chin minih kan herhtuk.
India ram khawte pakhat ah, Pastor pa nih nan khua le mipi caah tla ka cam lai I, a hohmanh coronavirus nan kai hrimhrim lailo tiah bia a kam. A bia kam bantuk in thla a cam I, an khuachungah, a hohmanh virus in thi mi cu chimlo, virus zong a kaimi an umlo. Mah thil hi khuaruahhar taktak asi ko. Nain Pathian riantuan nak cu, a zungzal in khuaruahhar a si peng ko. Pathian kan zumh taktak ah cun Pathian nih kan thlacam nak a tlamtlingter hrimhrim. Moses bantuk in pathian nih pastor pa cu a hmang. Kan nih chinmi zongah, mah bantuk pasal tha zumhnak he a dir ngammi kan herhtuk cang. Pathian nih a kan pek te hrimhrim ko lai. Fakpi tu in thlacam nak in tang ko han sih. Pathian kan ni bochan taktak cun Pathian nih kan duhherh mi cu a tlam a tlingter te ko lai. Zumhnak fek taktak he Pathian kan biak a hau.
Leave a Reply