Moppalin Kahdohnak Ah SAC Ralhrang Tamlak Thah An Si!

Moppalin Kahdohnak Ah SAC Ralhrang Minung Pa 6 A Nunnak A Liam

May be an image of 4 people, outdoors, tree and text that says "Photo- Photo-KNLA KNLA ဒီနေ့မနက် မုပ္မလင်လမ်းဆုံ တိုက်ပွဲမှာ အကြမ်းဖက်စစ်သား ၆ဦးသေ www.deltanewsagency.com f Delta News Agency Delta News NewsAgency Agency"

Moppalin Laan Sung Gate ah a um mi SAC ralhrang le KNLA tatmaha-5 phufonh hna nih tuzing suimilam 5:00 hrawngah minutes 40 chung kahdohnak a chuak i SAC ralhrang in minung pa 6 an nunnak a liam i minung pa 2 nih tliam an tuar tiah theih a si.

May be an image of 4 people, outdoors, tree and text that says "Photo- Photo-KNLA KNLA ဒီနေ့မနက် မုပ္မလင်လမ်းဆုံ တိုက်ပွဲမှာ အကြမ်းဖက်စစ်သား ၆ဦးသေ www.deltanewsagency.com f Delta News Agency Delta News NewsAgency Agency"

KNLA in minung pakhat an nunnak a liam ve tiah KNU in tuanvo ngei tu minung pakhat nih a chim. Mah kahdohnak chungah SAC ralhrang nih hriamnam ngan, hriamnam hme in kah thlorlh in an kah caah khuami pahnih an hlaim tiah theih a si.

May be an image of 4 people, outdoors, tree and text that says "Photo- Photo-KNLA KNLA ဒီနေ့မနက် မုပ္မလင်လမ်းဆုံ တိုက်ပွဲမှာ အကြမ်းဖက်စစ်သား ၆ဦးသေ www.deltanewsagency.com f Delta News Agency Delta News NewsAgency Agency"

Hakha, Thantlang, Mindat le Kanpetlet ah tanghra a phimi an um lo tiah Zalen nih alanghter. Chinram myone pali ah tanghra a phi ding minung tamtuk an um ko hna nain, MAH uknak duhlo in an dihlak in CDM an tuah dih. Upat an tlak taktak hna. Tutan ah myone 4 in tanghra phi ding asi ko nain CDM atuahmi hna vialte hi mipi cozah nih minung pakhat hmanh a philh hna lai lo I, Min Aung Hlaing ralhrang uknak kuttang ah tanghra a phimi vialte hna zong mipi cozah nih minung pakhat hmanh a hrelh ve hna lai lo.

SAC tangah tanghra an phitnak vialte cu pakhat hmanh cohlan piak an si fawn lai lo. Chin ramchung myone Falam, Tedim le Matupi in tanghra a phimi tam dawh an si. Aliamcia caan zongah sianginn kaimi an tam. Falam hrim hrim zongah ralhrang uknak tangah sianginn a kaimi an tam ti thawngpang kan theih lengmang cang. Falam peng hi mipi hriamtlai CNDF nih an control kho taktak hna rua lo, hrocernak cathanh cu an chuah ve lengmang ko nain, zeihmanh sidawh asi lo.

Pu Tin Cung Le A Innchungnu Pi Lalnunziri Nih Ralzam Mi Hna Sin Ah Ks.10,00,000 Bomhnak An Pek, 𝐋𝐔𝐍𝐆𝐋𝐀𝐖𝐌𝐇𝐍𝐀𝐊: Rangoon khuapi ah khuasami, Pu Tin Cung le a innchungnu, Pi Lalnunziri nih Ralzam hna ca i Facang tun cawknak ding caah Ks.10,00,000/- an kan bawmhmi cungah kan i lawm tuk.

May be an image of 2 people, people standing and indoor

Jesuh nih, “Ka rawlṭam can ah ei ding nan ka pek, Ka ti hal lioah ti nan ka dinh, Khual Ka si i nan inn ah nan ka tlunter. Puan aih awk ka ngei lo i puan nan ka pek. Ka zawt lioah nan ka thlawp. Thong ka tlak lioah nan ka veh, Biatak kan chimh hna, Ka mi hna a hme bik cungah nan tuahmi cu Keimah cungah nan tuahmi a si” tiah a chimmi thluachuahnak cu an cungah tlung ko seh. Amen.

May be an image of 2 people, people standing and indoor

RELCHAP,Shan ramkulh thlanglei, Danu region, Ywa Ngan(ရွာငံ) peng ah SAC ralkap thawngpetu tiah hngalh mi 2 thah an si, tiah tualchung mi hna sin in theih a si. Thah a tong mi hna hi Ywa Ngan, Ywamah sang ah a um mi Ko Aye Soe(ကိုအေးစိုး) le Alaychaung sang ah um mi Ko Nge Thoi(ကိုညီထွေ) an si. Ko Aye Soe kum 40 cu  March 30 zing Sml 11 hrawng ah, a workshop ah meithal in kahthah a si.

A nih hi SAC ralkap thawngpetu a si pinah pyosawthi chungtel a si i, amah ruangah sualnak ngei lo mipi tlaih a tong mi an tam, tiah theih a si. Kum 25 a si mi Ko Nge Thoi zong March 29 zaan Sml 8:30 ah a hawipa inn ah thah a si ve. Cuka hmun inn chungkhar minung 3 hna cu SAC ralkap nih an tlaih hna i, nihin tiang an thlah rih hna lo, tiah tualchung mi nih an chim.

Hi hna pahnih hi YUG (Ywa Ngan) le Taunggyi People Defense Force (TPDF) phufonh tat-khuai 4 nih an fimtawl hna i Ko Nge Thoi cu namte in voi 15 hrawng sawh a tong, tiah theih a si. Crd – TCP. Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si. A caan a thawk ka long a si rih.

A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum

Min Aung Hliang , Tatmadaw Zong Nih Mi Lemsawi In Ramkhel Kan Tuah Lo, Myanmar ram cu tuanbia in peh zulhin Tlangcung mi pawl he fonhin a thudir mi Myanmar ” Pyidaungsuu” kong he pehtlai in SAC ralhrang Min Aung Hlaing nih March thla 287, Nay Pyi Daw ah tuah mi a voi 77 nak Tatmadaw ni ah Min Aung Hlaing nih a chim.

Myanmar cu tuan bia ning in cun Siangpahrang hna nih khua, peng le tlang tbt, in siangpahrang nih uknak nawl pek a si i, Siangpahrang hna nih Myanmar ram hi Siangpahrang nih ukin hruai mi a rak si i, Siangpahrang uknak a hmang mi kan si ti zong in SAC ralhrang Min Aung Hlaing nih a chim.

Ko Luu Ni chan lio kuttang ah tlangcung hmunram le kawlrawn ah uknak, hruainak pa 2 then in aa uk mi kan si i luatnak kan hmuh hnu in chan a kal ning in Cozah hna nih Parliamentary democracy system, Socialist democracy system telin uknak, hruainak aphun phun in aa uk mi ram a si nak kong cu Min Aung Hliang nih a chim.

” Myanmar ram cu hmunzaka kip ah  Geographical location, tlangcung miphun pawl he tuanbia ning in hmunkhat te ah a um ti, a thudir ti mi kan si i Vawlei uknak, ramri le uknak hruainak cu kan fehter i a fekmi tuanbia ruang ah a um mi Pyidaungsuu ram a si. Cu ruangah mipi nih thim mi Democracy Federal hruainak cu i zohchunh, hrambunh in Pyidaungsuu ram piin fek tein sersiam a herh” tiah SAC ralhrang Min Aung Hlaing nih a chim.

Cu ruangah Democracy le Federal hruainak cu hrambunh in Pyidaungsuu rampi sersiam khawh nak hnga ding caah a biapi tuk mi caan kar chungah langhter mi he aa khat in dikfel tein tuanvo lak in zalonak, mah le tlinco cio hnga ding timi Party kip nih Democracy thimnak cu tlamtling tein tuah khawh nak hnga ding caah le tlangcungmi zapi aiawh tu telhmi thimnak a si khawh nak hnga ding caah fak piin kan i zuam i tuanvo ka lak tiah Min Aung Hlaing nih a chim.

” Mah tiin tuanvo lak nak hi Tatmadaw lei zongin Ramkhel tuah si loin( Tatmadaw lei nih mi lemsawiin ramkhel kan tuah lo) ramkhel a si mi rampi sersiamnak cu langhternak a si caah Tlangcung mipi zapi le Myanmar rampi i miphun thatnak cawhleh caah Miphun ramkhel tuanvo cu titsa ngei tein tuanvo lak a si” tiin SAC ralhrang Min Aung Hlaing nih a chim .

Be the first to comment

Leave a Reply

Your email address will not be published.


*