Monkeypox Zawtnak A Karh Tuk Cang Caah WHO Cu Emergency Meeting An Ngei Lai!

Monkeypox Zawtnak A Karh Tuk Cang Caah WHO Cu Emergency Meeting An Ngei Lai!: Monkeypox zawtnak cu vawlei cung hmunkip ah a karh tuk cang caah mizapi caah thinphang thlalau dirhmun a si maw si lo timi chimrelnak ngei ding in emergency meeting cu hmaizarh chung ah kan auh lai, tiah WHO Committee lutlaibik nih a chim. Atu tiang ah vawlei cung ram 39 ah Monkeypox zawtnak ngeitu cu minung 1600 leng an um cang, tiah WHO nih a thanh.

Monkeypox zawtnak cu Africa lei lawng ah a chuak tawnmi zawtnak a si nain atu ahcun ramdang tiangin a karh ngai cang tikah vawlei cung ram vialte cu hmunkhat ah rianṭuanṭi tiah a chim chap.

Emergency meeting cu June 23 tuah ding a si lai i, hi zawtnak he pehtlai in vawlei cung ah minthang thiamsang hna zong sawm chih an si lai caah hi zawtnak kong ah fiang deuh in theih fian a si lai

WHO nih Ebola le Polio zawtnak ruangah mizapi caah thinphan awk ngaingai a si tiin thawng thanhnak an rak tuah bal cang i, covid-19 zawtnak kong he pehtlai in Kum 2020 ah khan ralrinpeknak a rak thanh than. Cred : The Chin Post