Magwe ramthen, Pakokku District, Poh khuapi, Aung Takhon sang ah a um mi Poh pengkulkh meithat zung ah rian a tuan mi meithat phu pa li hna cu tuni zinglei suimilam 6:00 hrawngah SAC ralhrang le Police hna nih an tlaih hna tiah theih a si. ” Zing lei samgah zung ah an tlaih hna, zei ruangah an tlaih hna timi kong cu hal an ngah lo.
khuai kaa dah an hrenhkhumh hna timi zong chun lai tiangah cun theih khawh a si rih lo. Chungkhar pawl hna nih an pehtlai len hna nain a tu tiang pehtlaih khawh an si lo caah chungkhar an thin phang.” meithat phu sinin theih a si. SAC ralhrang ralkap le police hna nih tlaih mi meithat phu pali hna cu,
Hein Chih Aung, Sii Htu Kyaw, Ye Wint Ko Ko, Thant Zin Pyo hna an si tiah theih a si. Mah kong he pehtlai in Kakokku humhimnak phu sinah hal an si tik ah , tuanvo ngeitu pakhat nih, ” Meithat phu pali hna cu zingkaa ah tlaih an si. sahrang tiin tazacuai in an tlaih hna, tha tein chiah an si ko,” tiah a chim.
Relchap, Vawlei cung ram rum lawngte a si mi G7 phu nih Ukraine caah Dollar billion tam taktak bawmhnak an pek lai.
Nizaan ah tuah mi meeting ah G7 ram hna nih cun Russia nih a den cuahmah mi Ukraine ram hme te caah UD Dollar 18.4 billion bawmhnak pek ding in lungtling nak an ngei. Germany ah tuah mi G7 meeting ah chah mi biapi bik cu “Ukraine hnu ah kan dih lak lungrual in kan dir. Kan neih mi thazang he hi buainak ral hi kan tei lai” tiah US finance minister Janet Yellen nib a chim.
“Russia nih hin kan ram hrawk ai tim cuahmah asinain kan hawile hna bawmhnak ruangah kan ral zong kan tei hrim lai” tiah UKraine Prime Minister Shmyhal nih a chim. US ramdang vuanci Antony Blinken zong nih Ukraine nih hriamnam ai zalh chap khawh nakhnga Dollar 100million pek chap ding in minsen a thut cang.
Kan dothlennak le ka hmuhning.Kan hnu zarh ah tulio kan dothlennak le ka hmuhning kong ka ţial cang. Atu cukong cu a peh ka ţialţhan lai. Thantlang khi CNA nih Tukum chung hrimhrim ah Lak a hau. Nai ka khualtlawnnak ah Thantlang ka va lut. Kan miphun ralkap CNA le TCDF he can ka va hmang kho i khuachung zeimawzat ka va cul. Cu ka camchungah Thantlang ral a thawhka in ka camchung ri tiang thil sining tete bia kan i ruahhna tikah hikong hi chimlo in ka um kholo. Kan miphun ralkap le kan mino pasal ţha hna zeimawzat nun a liamnak le Chin miphun nih a fakbik mi thih sersatnak kan tuarnak hmun asi tikah Thantlang kong nih khua tamtuk a ka ruahter.
Cucahcun khi Thantlang khi kan miphun nih kan uk hmasat mi le kan ralpa kan teinak Vawlei, hmunhma ah kan ser hmasat a herh. Cu sernak le laknak kong ah kan ralkap pawl thil sining ka halhna tikah a tanglei hna hi kan chambaunak asi tiah kahmuh.1nk. Kan miphun ralkap nih Thantlang laknak caah hriamlian(60MM ,65MM, or 81MM Bomb khahnak le a kuan 200 tal) 2 to 4 kar.
2nk. Sniper shooter(professional sniper and accessories) a tlawmbik 6 le an herhmi thilri hna.3. CNA ralkap 50 hrawng nih suimilam 10 chung tal dongcatlo in kahding in an hman ding Asultrifle kuan/zendong (90000) tal.4. Ralhrang bawmhding a ra ding Vanlawng khamnak Anti-Aircraft Gun 3 le a kuan/zendong 1000 tal. Hihna kan ngeihkhawh ahcun a ral ţhatuk mi kan ralkap hna le ral lei thiamnak a ngeimi kan ralkap bawi kan pu le fimthiamnak hmang in Thantlang cu kan lak khawh hrimhrim lai.
Zeiruang ahdah kan lak a herh( A ahnu ah fiangdeuh in ka ţial telai) Thantlang kan lak khawh ahcun Kan Camp pi Victoria a him pinah kan ram pumpi ah a luat hmasat mi peng(မြို့နယ်) asi lai. NUG he kan dirţi i ralhrang kan tei tik zongah kan duhmi lamthluan ah kalkho ding chim khawhnak thazang kan ngeih lai. Cun NUG caah a luat mi a zalenmi ram(လွတ်မြောက် နယ်မြေ) ah ser in ralhrang dohnak caah thazang laknak hmun ah serkhawh asi. .Crdit-Peng Hlawn Ceu
Leave a Reply