Mizoram Police Nih Assam CM Le Minung 7 Hna Sinah Case An tuah July 26 ah Assam le Mizoram ramri buainak ruangah i kahnak a chuah mi ah Mizoram Police nih Assam chief minister le buainak ah a tel mi rianngeitu le Assam palek telin minung 7 hna cu Vairengte police station ah case an tuah.
Vairengte police station ah biaceih dingah case tuahpiak mi hna cu Assam chief minister Himanta Biswa Sarma, Vairengte ah a rak ra mi Assam palek hruaitu IGP Anurag Agarwal, Assam DIG Devojyoti Mukherjee, Cachar DC Keerthi Jalli, Cachar SP Chandrakant Nimbalkar le holai police station OC Sahab Uddin hna an si.
Case hi Indian Penal Code (IPC) tang i lainawn timhnak, a bu in sual tuah timhnak, Meithal upadi le Mizoram covid-19 he pehtlaih in cozah zulhphung buarnak hna telin case phun 12 in tazacuai an si.
July 26 i kahnak ah a thi mi Assam palek 6 an thi.Hi kong he pehtlaih in Assam chief minister nih Mizoram cu Supreme Court ah taza ka cuai lai tiah a chim.
Atu tiangah ramri ah buainak cu a um tilo nain Assam lei nih Mizoram in a lut mi mawtaw poh poh check ding le Assam mipi hna cu Mizoram lei ah a hohmanh umkal lo dingin a phih hna tiah theih a si tiah the aizawl post nih a tial.
The Chin Post
Leave a Reply