Thawngtawi; Myanmar ralzam hna cu kan nih letkhan ko hna an ti nak cungah cun Mizoram ah Chin TV Night Mizoram an tuah;
Indian , Mizoram ah Myanmar ralzam hna cu an letkhan i an dongh nak hna cungah lunglawm nak caah Americal um Chin TV Interntional nih an tuah mi Chin TV Night Mizoram cu April 16 ah Aizawl khuapi ah an tuah.
Kahdohnak kong Relchap ; Matupi-Paletwa lamcung kahdohnak ahralkap 7 an thi; Ma ralhrang tupi le Paletwa lamcung lei ah a rak kaimi SAC ralkap pawl cu April 10 mengtung 9 ah CDF-Matupi he kahdohnak a chuak. Cu kahdohnak ahcun, ralhrang ralkap a tlawmbik 2 hliamhma an tuar, CDF-Matupi in mipi hriamtlai 1 hliamhma a tuar tiah CDF-Matupi nih a thanh.
April 12-14 tiang ralhrang ralkap le CDF-Matupi cu Walampi khua, Kala khua le Walamte khua an phan. Ralhrang ralkap nih an rak tannak khua mipi ar, vok le maheh hna an lak lengah Walampi khua nih an zapi te caah an khonmi facang vialte an khanghpiak dih hna tiah theih a si.
Ralhrang ralkap pawl le CDF-Matupi karlak ah kahdohnak voi 3 a chuak i Ralhrang ralkap 10 an thi, 5 nih hliamhma an tuar tiah theih a si. Ralhrang ralkap nih kahdohnak an tuah ruangah Matupi-Paletwa lam cungah a ummi khuami `1,000 leng ram tangah an zaam tiah CDF-Matupi nih cathanh a chuah.
Ralzamkong Ralcap; Pauk Pengah Ralhrang Ralhrang Nih Minung Umnak Inn Mei An Khangh Pinah Ralzaam Mipi Eidin, Facang, Ti Rawl Mei An Khangh Piak Than!
Maggui ramthen Pauk peng chungah a ummi mipi umnak inn meikhanghtu Ralhrang ralhrang ralkap nih inn an khangh lawng siloin ralzaam mipi eidin tirawl tiangin meikhangh in an hrawhpiak than tiah thawng kan theih.Ralhrang ralhrang ralkap le Buesawtyi hna nih April 7 thawkin meikhangh an thawk i, khua (13) nak tam mei an khangh cang tiah tualchungmi hna sinin kan theih.
Pauk he naihniamnak Pakukku le Seikphyu peng hna zongah SAC ralhrang ralkap nih mei an khanghpiak tiah kan theih.Pauk peng chung Kyaukh-U khuami razaammi hna an si. SAC ralhrang ralkap nih khua chung i minung umnak inn meikhangh lawng siloin ralzaam mipi eidin tirawl tiangin mei an khangh. Ralhrang ralkap an tih tuk caah khuami dihlak an zaam tiah Pauk Alliance Group nih April 15 ah cathanh an chuah.Cucaah ralzaam mipi hna caah eidin, tirawl, sii ai le thilpuan hna cu bawmh an herh hringhran tiah an langhter.Crd: Zalen
Thawngdang; SAC Ralhrang Ralkap Nih Thilphor Motor Monghtu Cu That Htatin A Ruak Mei An Khangh!
Kalay peng chung Siitha khua pawngah April 12 ah khan Kalay-Falam leiah a ka dingmi thilphor motor cu kham hratin driver cu an thah i, a ruak zong lamkam ah mei in an kangh tiah thawng kan theih.
Hmutu pakhat nih “SAC ralhrang ralkap nih motor cu an dinter i, driver cu an chuahter hnuah vawlei hmanh a tongh hlanah meithal in an kah, a ruak zong lamkam ah mei in an khangh. Motor le motor zultu cu khoika leiah an hruai timi theihfian a si rih lo” tiah a chim.Driver cu Falam peng Congthe khuami a si tiah kan theih.
Leave a Reply