Nizaan December 13 ah Mizoram Chief Minister Zoramthanga nih Mizoram ah aa dormi Chin ramkulh Chief Minister hlun Salai Lian Luai le Chin Hluttaw palai pawl ton biaruahnak a ngeih hna, tiah thawng kan theih.
Tonnak hmun ah Zoramthanga nih, “Myanmar lei in Mizoram ah a rak i dormi hna pehzul in bawmhnak kan pek hna lai. India Central Cozah nih ralzaam bawmh kong ah direct in aa thlak lo nain Mizoram nih ralzam kan bawmh khawh nakhnga kan hnulei in a kan bawmhchanh ko lai. Myanmar ram zong a rauh hlan ah Democracd lamthluan cung ah kar a hlang tthan lai tiah ka zumh,” tiah a chim. Cred : The Chin Journal
Relchap : Monywa ah dalan pakhat thah a tong
Sagaing ramthen, Monywa khua Nandawon (နန္ဒဝန်) sang ah um dalan a si tiah min langmi Ko Chan Tar Moe cu meithal kah a ton caah a thi tiah khuachung ummi nih an chim. ” Cu hlan ah ralhrang uk duhlo in lamzawhnak a tuahtu hna le PDF hna kong cu ralhrang sin ah thawng pe tu dalan a si, dalan hna cu thih fak in nan thi lai, ralhrang lei ah tan lo in mipi lei ah tang ko uh” tiah dalan kaptu hna lak ah a telmi Daw Nah Mawng Mawng nih achim.
Nihin December 14, zinglei suimilam 7:30 hrawngah Gangaw sianginn hmai lei ah a ummi inn ah a lu kuan hliamhma hmunhnih le a taangah voikhat kuan hliamhma in a thi tiah a chim chap. Meithal kah in a thimi dalan cu kum-40 hrawng a si i, cuhlan ah hrem a rak tonnak in a tak ah hliamhma a rak um cang mi a asi, a tu ah cun kuan hliamhnak in a thi tiah khuachung ummi nih Mizzima ah an chim.
The Chin Post
Leave a Reply