Mizoram Ah Luh A Timmi Mawtaw 2 Assam Nih An Den

Mizoram Ah Luh A Timmi Mawtaw 2 Assam Nih An Den Nizaan August 6 ah Assam in Mizoram lei ah luh a timmi Kunva thei a phor mi mawtaw 2 cu Assam state chungah an den dih tiah theih a si.

Cachar SP Raman Dhillon nih a chim ningah Mizoram ah a lut dingmi mawtaw 2 cu Silchar le Lailapur kar ah an kham hnuah an den.

Hi kong hi kan hlat lio a si.Cozah nih mipi hna cu Mizoram ah tlawng dingin travel advisory kan zuh hlan zongah kan ti peng nain an tih ruangah an kal ngam lo tiah a ti.

July 26 ramri ah buainak a chuah hnuah Assam leiin Mizoram a lut mi mawtaw pakhat hmanh a um rih lo.Nizaan Assam mawtaw an hrawh piak mi ruah ah a tu dirhmun ahcun mawtaw a lut ding hi hna beisei ding a um rih lo tiah Vairengte mipi hna nih an chim.

Assam nih NH-306 lampi a khammi cu zuh than dingin Mizoram, Kolasib DC le Cachar DC hna nih an tawlrel lio le an chawnh lio a si tiah theih a si.

Kolasib Deputy Commissioner Dr. H. Lalthlangliana nih Assam in Mizoram luhnak lam an kham kong cu kan buaipi lio a si. Mizoram chungah cun mawtaw kaltu hna an buailo nak dingah clearance kan pek hna.

Cachar DC sin zong ah kan kuat ve i, clearance rak pek ve dingin kan ti hna.Amah zong an tawlrel ve.

Mawtaw khaltu hna nih Mizoram luh an tih ruangah si loin, Assam state chungah buainak an ton lai ti an phan caah Mizoram ah an rak lut ngam rih lo mi tu a si tiah vanglaini nih a ti.

The Chin Post

Be the first to comment

Leave a Reply

Your email address will not be published.


*