Mizoram Ah Laimi Pakhat Ti Ah A Pam, Atu Tiang A Ruak An Hmu Lo

Mizoram Lunglei pawng Thuampui khua ah a ummi Laimi Pu Lian Cin cu August 30 ah khan a hawile pathum he zinglei suimilam 9 hrawngah thing-ah put dingin an kal. A hawile he cun Be tiva cu an tan i a hawile cu khatlei kam an chuak nain anih hi a chuak kho ti lo, tiva nih a fenh tiah theih a si.

Khuami hna nih nihnih chung an kawl nain a ruak an hmu kho lo. Tuni September 1 zong hi khuami hna cu Pu Lian Cin ruak kawl dingin an i thawh than. Pu Lian Cin hi Falam peng Rulbu khuami a si. Unau chuakkhat paruk an si. A pa cu Pu That Cung a si i Falam ah an um. Kum 1993, June 12 ah Mizoram ah a kal i lung ti loin atu tiang a um lan. A nupi Nunsangi he fanu 1 le fapa 1 an ngei, tiah Falam ah a ummi a chungkhar hna sinin kan theih.

A dang: Zohchunh awk tlak Pasalțha Țial Cung Thang! Lost the battle but won the war!

Tutan kan fapa Țial Cung Thang asungh hi lentecelhnak hmun lawng ah asung nain hi One Championship lentecelhnak boruak hmunpi khi amah nih teinak alaak. Kawlram cu atulio ah cozah angei lomi, ram thantaar ((Flag) tar awk hmanh angei lomi ram kan sinak vulei mipi hmuh in alanghter. Nai te ah Miss Universe zuamnak ah Kawlnu nih Kawlram khi ai ka awh lo, Kawlram mipi khi ka ai awh hna ti in “Pray For Myanmar” tiah ralțha tein adirpi ko khah.

Tutan kan fapa Țial Cung Thang nih Kawlram cu cozah angei lomi ram, thantaar ken awk hmanh angei lomi ram dirhmun kan si lio kha ralțha te le fiang tein alanghter ve. Min Aung Hlaing nih hin Kawlram mipi cu meithal kah cun akan tei rih nain uknak chuh ding in mipi ral akan thawh hnawh mi (War) tu cu asung diam.

Atulio ahcun Kawlram minung paohpaoh nih khoika kan umnak hmun kip le zei kan tuahnak hmun paoh ah Kawl ralhrang uknak kan dohnak kha alamkip in langhter peng ding asi. Nai “Vaurawng Paih Zuamnak” ti bantuk an tuah lio zong kha mipi achuak mi vialte nih khan paih an tuah hnawh channak langhternak caah ahramthok le adonghnak ah khan Kawl ralhrang uknak duhlonak zapi au in langhter hna seh law vulei khuazakip in arak hmutu vialte nih Kawl ralhrang uknak kan doh dihnak hi hmu dih hna seh ti hmanh khi kei cu ka duh.

Kan fapa Țial Cung Thang hi tutan lentecelhnak ah mark tlawm deuh in a sung nain Kawlram mipi caah ral ngantuk a tei ko! Zohchunh awk tlak fapa țha a si. အကြမ်းဖက်စစ်အာဏာရှင်စနစ်တော်လှန်ရေးအောင်မြင်ရမယ်,Keep Fighting! Victor Khen Sang

The Chin Post