Mizoram ah COVID-19 Second Wave a bikin zohfel ding bu dirh a si

Mizoram ah COVID-19 Second Wave a bikin zohfel ding bu dirh a si

Nihin ah Health Minister Dr. R. Lalthangliana hao in Mizoram cozah lutlai tonbiaruahnak ah Mizoram ah Covid-19 Second wave zawtnak kongah thuk deuh in cawnnak (scientific study) ngei ding Research Team dirh dingah ceih a si.

Tonbiaruahnak ah Medical Operation Team on Covid-19 Chairman Dr. ZR.Thiamsanga MLA, Chief Secretary Pu Lalnunmawia Chuaungo le Health & Family Welfare, Disaster Management & Rehabilitation, Police, Zoram Medical College hruaitu hna le India Medical Association le Non-Government Hospital Association, Mizoram aiawh hna an i tel.

Meeting hruaitu Dr. R.Lalthangliana nih a tu Covid-19 second wave hi kan hnu kum in a thawk mi Covid he a ziaza le a um tu ning a dang ngai. Positive hmuh mi chungah case dang taktak mi le Vaccine kan pek lio mi he a pehtlaih ning le thil dangdang kan theih ballo mi hna tampi a putpi caah kan ngeih cia mi data he thuk deuh in kan cawn a hau. Cucu a tu hnu kan hmalak dan ning zongah a biapi ngai mi a si tiah a chim.

Meeting nih scientific study cu tha tein ngeih dingah IDSP, IMA, ZMC le MZU fonh in Research Team cu dirh ding le a herh ning hmalak nak ngeih colh dingin lungtlin nak an ngei.

Tonbiaruahnak nih Covid zawtnak i vennak Vaccine pek ning le Test kal pi lio mi dirhmun, Covid Care Centre pawl dirhmun hna cu ciap tein ruah le ceih a si.

The Chin Post

Be the first to comment

Leave a Reply

Your email address will not be published.


*