Mizo Ram Ah a Zammi Kan Chin Unau Sinin Thawngchia Tuk kan Theih

Farkawn lei ah a zaam mi Chin Ralzaam minung 10 sin in zawtnak an hmuh – Myanmar ram buainak ruang ah Mizoram, Farkawn lei ah a zaam mi Chin Ralzaam minung 10 sin in COVID-19 zawtnak hmuh a si tiah Farkawn khuami hna sin in thawng kan theih. Farkawn khuami pakhat nih, “Myanmar ram lei in kan khua ah a rak zaam mi hi an tam ngai ve. A rak lut mi poh cu COVID-19 zawtnak chek an si. Tutan kan chek mi hna hi hmun khat ah a ra mi minung 12 an si. Minung 12 chung ah pahra sin ah zawtnak hmuh hi a si,” tiah a chim. Zawtnak hmuh mi hna hi an dihlak in ngandamnak lei rian ngei hna nih an zohkhenh hna tiah theih a si. – TheHakhaPost

Thilin peng ah ralhrang rianpek cohlang mi khuabawi tamdeuh rian an ngol, Magway ramthen Thilin peng ah NUG nih D-Day thawngthanh nak a tuah hnu ah ralhrang phu rianpek cohlang mi khuabawi tamdeuh nih rian chuah/ngol nak ca an chiah tiah khuami hna nih an chim. Thilin peng khua 10 leng nih ralhrang rianpek cohlang tu khuabawi hna le khua tlangtla,nawlngei tu hna nih ngandamnak thatlo ruang ah tiah rianngol nak ca an chiah mi cu mipi hna nih theih piak ding in Facebook cung ah an tarlangh mi cu hmuh a si tiah khuami pakhat nih a chim.

Thilin peng chung khua cheukhat ah ralhrang phu sin thawngpe tu dalan hna le pyusawthi phu hna cu thah an tong tiah theih ruang ah tih nak in rianngol nak ca chiah nak in, mah lung fim ten le mipi lei dir kamh duhnak lungthin le khua mi caah thathnem nak phor tu an si ah cun lunglawm ten cohlan an si ko. Cu khuabawi hna cu rian ngol nak ca an chiah na in, cu hlan ah ralhrang phu sin fon in riantuan le thawngpe tu dalan tuan mi an si caah zumh awk an tha dih lo, an sining zoh an hau rih tiah a chim. Thilin peng Agyiwabin khua ah September 15 ni ah ralhrang sin thawngpe tu dalan minung 4 meithal kah in thah an tong tiah theih a si. DVB