Kan ram buai ruangah Mizoram lei ah a dor mi hna cu September 12 tiangah 1252 an si cang tiah theih a si i, tam deuh cu Mizoram he ramri khua ah an i dor. A rak lut chap mi an um peng rih caah a tu dirhmun ahcun a zat ciah hi chim a har ngai rih.Tam deuh hi cu Cherhlun, Thingsai, Hngarchhip, New Hngarchhip, Bualpui- H an um hna.
Ralzaam hna kong he pehtlaihin South Tuipui MLA Dr. R. Lalthangliana, Health minister nih an eidin le an umnak sak nak caah a ruah piak hna pinah Mizoram cozah zong nih a si khawh chungin kan zohkhenh lai. An ngandamnak zong zohfelnak dingah Cherhlun public health care, Thingsai PHC le Hnahthlial district hospital in sii lei riantuantu hna zong fial an si lai.
Ka area chungah thinpang thlalau in a rak i dor mi hna kan unnau hna hi ka zaangfak tuk hna, paw tam in kan chiah hna lai lo, a herh ningin um nak le eidin zong a herh ningin kan ruah piak hna lai tiah Dr. R. Lalthangliana nih a chim. Kan ramchungah CDF le ralhrangbu hna an i kap i khuami cheukhat hna cu,
September 10 in Mizoram ah an rak zaam i, a tu Mizoram ah a dor lio mi hi Cherhlun khua ah minung 80, New Hngarchhip ah minung 250, Old Hngarchhip ah minung 60, Thingsai ah 700, Bualpui-H ah minung 108 hrawng an um tiah theih a si.
Myitkyina ah Mytel Tower pakhat cu ralhrang nih thilthuam sawhsawh i hruk in Security an hngah Kachin ramkulh, Myitkyina Rambu veng chungah Mytel tower pakhat cu ralhrang hna nih thilthuam sawhsawh in Security an ngah tiah theih a si. September 10 ni in tower pawng ah ralhrang hna nih chun he zaan he security an hngah i zaan ahcun minung tam deuh nih an hngah tiah veng chung um mi pakhat nih a chim.
Myanmar ramchung um ralhrng ngeih mi tower hna hrawh an si hnu in MPT le Mytel tower tung hna cu security minung thazaang chap ding in ralhrang nih ca thanh an thuh mi mipi hmuh nak ah a lang. September 12 ah ralhrang nih chuah mi ram nih ngeih mi thawngzamh ca ah Myanmar ram chung um tower 68 hrawh a si cang tiah a tial. DVB
Leave a Reply