Myaung(ေျမာင္)ah ralhrang phu hna cu mizaw phor motor in lemcang in a thli ten an kal lio ah, bomb puah an tong, motor chung ummi tamdeuh an thi, ralhrang motor 8 he minung thazaang an chap caah khuami an zaam
Sagaing ramthen, Myaung peng ah ralhrang thuam tling a hruk mi rallokap hna cu, mizaw phor tu motor in khuachung lei an kalnak ah, Mangyiboh khuapawng ah nihin September 14, zaanlei suimilam 7:30 ah bomb puah a ton caah, motor chung ummi ralhrang phu cu an thi tiah theih a si.
“Cu ka hmun ah cun ralhrang motor tampi an phan, motor 8 hrawng si lai, ralhrang thuam le ralhrang motor he kan kal ah cun ,bomb puah kan tong lai tiah phang in, mizaw phor motor he lemcang in an kal. Cucu bomb puah an tong thiam, motor cung ah a thi mi hi an zapi ngawt in an si lai, na in zeizat sat an si cu kan thei lo” tiah Yangon Khit Thit Media ah an chim.
Ralhrang phu hna nih bomb puah nak hmun khuapawng hna cu, an duh nak poh ah meithal in kahnak le mithah nak an tuah khawh caah khuachung mipi hna cu zaan ah an zaam hna tiah theih a si. The Chin Post
Leave a Reply