CDF-Tonzang, CDF-Kabaw, le PDF-Yazagyo nih October 1 lio ah SAC ralkap Officer rank le ralkap 7 an kahthah hna, kalaymyo in Tamu lei ah motor 2 in a kal Ralkap Cu CDF phun thum fawnhin an kah caah mi 8 an nunnak aliam tiah tuni ah thawng an hun thanh,. October 4| Kayah Karenni Ramkulh Loikaw Peng Pankan le Dawpusi kar minutes 45 chung kahdohnak ah KNDF nih SAC ralkap 4 an thah hna, tiah Khit Thit Media nih a tial.
Pale peng ah a lut mi ralhrang phu hna motor cu Nalantawng ah a voihnihnak bomb puahhnawh an tong, minung 13 an thi, 20 hrawng nih hliam an tuar Sagaing ramthen,Pale peng chungah October 4, zinglei ah a lut mi ralhrang phu motor 80 leng cu PPDF le PRA nih bomb lung 27 he puahhnawh in an doh hna, a lan mi ralhrang motor hna cu Nalantawng pawngah bomb puahhnawh in doh an ton caah kaphnih kar kahdohnak a chuak.
Ralhrang phu lei in minung 13 an thi, minung 20 hrawng nih hliamhma an tuar tiah mizapi dothlennak ralkap sinin theih a si. “Nihin zinglei suimilam 9:40 hrawngah Magway ramthen, Kyaw khua lei ah kal mi ralhrang phu motor 69 hrawng cu Nalantawng ah bomb puahhnawh an ton caah kaphnih kar kahdohnak a chuak, ralhrang phu lei in minung 13 an thi, minung 20 hrawng nih hliam an tuar, mizapi ralkap PRA lei in nunnak a liam mi um lo in hnu ah an tolh kho.
Zinglei suimilam 7:30 hrawng ah bomb in an puahhnawh than hna caah minung pahnih,thum cu hliamhma an tuar.Voihnih tiang kaphnih kar kahdohnak chung ah ralhrang lei in minung 15 an thi, minung 23 nih hliam an tuar” tiah PRA nih cathanh an chuah. Nihin zinglei ah ralhrang phu hna motor cu PRA le PDF nih Kandawngh khua pawng KulawngPyinekuai ah bomb puahhnawh in an doh hna caah ralhrang motor 5 a rawk, ralhrang tampi an thi tiah Pale PDF nih cathanh an chuah. Khit Thit Media
Mizapi sinah theihternak tuah hmasa lo in Falam ralhrang umnak in hriamngan an hneksak Chin ramkulh, Falam khua Phankao tlangcung battalion in zinglei suimilam 10:00 hrawngah hriamngan voikhat neksaknak ah an puah tiah thawng theih a si. Falam khuachung mi pakhat nih” Falam khuachung ning in a kan tlerh dih, ttek tlak thawng nak in a thawng a thang deuh. Mipi hna sinah theiher hmasa nak a um lo caah mizapi lau ngai in an um cio hna. Cu hlan zong ah Helicopter voi 7 hrawng a tum caah hriamngan thar cu an test caah a si lai. A thawng cu a thang taktak,meng 30 hrawng tiang a kap kho mi hriamngan phun si lai” tiah a chim.
Leave a Reply